خرج المؤلف عمرو محمود ياسين عن صمته ليوضح حقيقة ما يُتداول بشأن تدخل الفنانة ياسمين عبد العزيز في تفاصيل أعمالها الفنية، مؤكدًا أن ما يُقال لا يمت للواقع بصلة، ومشددًا على أن العمل الدرامي يقوم على منظومة متكاملة يحترم فيها كل فرد حدود دوره واختصاصه.
كتب المؤلف عمرو محمود ياسين عبر حسابه على «فيسبوك» : بجد أنا مش مصدق اللي بيحصل مع ياسمين.. أي حاجة بتحصل في المسلسل تبقى ياسمين! لو تتر اتغير تبقى ياسمين، لو ممثل قال جملة معينة تبقى ياسمين، لو حد لابس لبس معين تبقى ياسمين! طب أنا رحت فين؟!
وتابع: وأقسم بالله ده مش حقيقي، لأن المسلسل وراه مؤلف ومخرج ومنتج وستايلست وأقسام كتير، وكل واحد مسؤول عن شغله. إحنا مش هواة، وكل واحد فينا بيحترم دور التاني. آه بنتشاور مع بعض علشان نوصل لأحسن نتيجة، لكن اللي بيحصل ده تصفية حسابات.
وأوضح: هي بقت مش عارفة تعمل إيه، لو ردت يقولوا بترد ليه، ولو سكتت الناس تصدق الكلام! أنا بشفق عليها، بس اللي مطمني إنها قوية جدًا وبتقابل كل ده بسخرية وضحك. بس أنا متعود أواجه، والناس لازم تعرف الحقيقة، لأن الهجوم عليها جزء من الهجوم على مشروعي اللي كلنا بنتعب فيه جدًا. وربنا يصلح حال الجميع."