تناول الرئيس عبدالفتاح السيسي، صباح اليوم، عقب صلاة عيد الفطر المبارك بمسجد الفتاح العليم بالعاصمة الجديدة، الإفطار مع الحضور.
وقال الرئيس السيسي خلال كلمة له نقلتها قناة "إكسترا نيوز": "عايز أكلمكم عنكم.. المصريين من الشباب والأسر والبراعم.. في 2012 مصر كانت بتعيش أيام وأحوال صعبة.. بكلمكم عنكم علشان إنتم بالنسبة لنا مهمين.. وعلشان نأكد أن إحنا لا ننسى أبدا الجميل الكبير من الأسر التي قدمت شهداء ومصابي مصر في الفترة الصعبة.. هقول الكلام كإنسان.. وليس كمسئول عاش الفترة الصعبة دي".
وأضاف: "كانت فيه ناس عايزة تهد.. اللي بيهد ما يعرفش يبني.. واللي بيخرب ميعرفش يبني.. فترة صعبة، كل يوم أحداث وعمليات إرهابية، حرب صعبة، استمرّت 10 سنوات، ثمنها أولاد مصر.. هم اللي خلونا قاعدين كده بفضل الله وبفضل تضحياتهم.. كانت حرب ضروس".
وتابع: "وكان الناس بتسأل هتنتهي ولا هنفضل على طول، لأن النتائج السابقة بتقول الحرب على الإرهاب متنتهيش.. أنتم على دماغنا.. كل اللي قدم في الوقت الصعب ده شهيد أو مصاب.. الثمن اللي ادّفع هو اللي إحنا فيه دلوقتي.. فترة طويلة.. هم عايزين يحبطونا ويموتوا الأمل.. عايزين يقولوا مفيش بكره.. هم قالوا وعملوا".