كشف الموسيقي كريم عبدالوهاب عن تعرضه لوعكة صحية خلال الفترة الأخيرة، مؤكدًا أن حالته المرضية تسببت في تعطله عن استكمال عدد من أعماله الفنية، من بينها أغنيات خاصة بالفنان رامي جمال.
وكتب كريم عبدالوهاب عبر حسابه الشخصي على موقع “فيس بوك”: “رامي جمال كان عندي من كام يوم، أنا مأخر عليه شغله بسبب مرضي، واحنا قاعدين قالي: انت مش واخد عين ده انت واخد لمبة.. ضحكني قوي بصراحة”.
وأضاف: “حبيت أشارككم اللمبة اللي واخدها، نأسف لبشاعة المنظر، الحمد لله على كل حال”، موضحًا أنه نشر الصور ليؤكد أن حياة الفنانين ليست دائمًا مثالية كما يظن البعض، قائلاً: “زي ما الحاجات اللطيفة اللي بتنزل الناس بتحسد عليها، في حاجات محدش يعرف عنها حاجة”.
وتابع حديثه: “الواحد مش بيحب يبين المعاناة، بس حبيت أبين جزء منها عشان الناس تبقى فاهمة إن حياتنا مش كلها حلويات ودلع، إحنا بنشارك الحاجات اللطيفة فقط، فالكل فاكر إن ده اللي عايشينه”.
واختتم كريم عبدالوهاب رسالته مؤكدًا أنه يعاني من هذه الأزمة الصحية منذ أكثر من شهر دون أن يُفصح عنها أو يُشعر من حوله بحجم ما يمر به، قائلاً: “أنا بقالي شهر على الحال ده ومحدش يعرف، ومش محسس أي حد بأي حاجة”.