أكد الإعلامي أحمد موسى، أن مصر دولة لم تتآمر على أي دولة أخرى ولم تسبب في أي دولة، ولكن في دول أخرى شغالين، كمان في قنوات شغالين بث شائعات من غير معلومة صحيحة، وكل دا علشان يضايقك.
وقال أحمد موسى، خلال تقديم برنامج «على مسئوليتي»، عبر قناة «صدى البلد»، إن الدولة تختلف اليوم عن الـ15 الماضية، مردفًا: «كانوا في جماعة بتناضل وهي بتروح تسهر في ملهى ليلي في شارع الهرم، وأنا حذرت من تنظيم الإخوان، هما كانوا بالليل يسهروا بالنهار يتكلموا بدعوى النضال».
وتابع: «أدافع عن مؤسسات الدولة المصرية وأجهزة المعلومات بكل المعلومات بكل قوة، كمان أبو العلا ماضي أطلق شائعة عن المخابرات العامة المصرية وتم كشف عن دوره الخبيث».
ولفت أحمد موسى: «هما عملوا إيه في البلد؟ عملوا إرهاب وتفجيرات وحرق كنائس، في حد بيحارب القضاء، ولعوا في البلد، ومش عاوز إعلام يدافع عن البلد، عاوزين إعلام يتكلم عندهم بس».
وأردف: «دول كانوا بيبعتوا ليا واحد الكنترول يسألوا أحمد النهاردة هيتكلم عن إيه، ومكنش حد يعرف بيقولوا ليه دا هيتكلم كدا من غير إسكريبت، طيب دا غير موقفي؟ لا، ما هما حاولوا يغتالوني وقولت الكلام دا».