استعاد الفنان أحمد السقا ذكرياته مع والده الراحل صلاح السقا، في رسالة مؤثرة شاركها عبر حسابه الرسمي على موقع «فيسبوك»، تحدث خلالها عن مكانة والده في حياته، مؤكدًا أن أثره لا يزال حاضرًا معه رغم مرور سنوات على رحيله.
وكتب أحمد السقا: «الله يرحمك يا بابا بجد، واحشني ومابتغبش عن بالي ثانية.. لما سبتني ورحت قلت خلاص دي أكبر حاجة وكل حاجة صغرت في عيني ومبقتش شايف حاجة، مفيش حاجة فارقة معايا».
وأضاف: «وكالعادة ضحكت عليا حتى وإنت في حتة معرفهاش، بس أكيد حلوة.. والحمد لله اللي حصل لي جبال الألب ركبت دعامات فيها، بس إنت مربي بني آدم يشرفك».
وتابع أحمد السقا في رسالته لوالده: «الحمد لله إنك ما حضرتش الغفلة أو الغفلات، عشان لما نتقابل يومًا ما أمام اللي عارف ومطلع بجد، هتتبسط من كتالوج أصولك وحكمك اللي لسه عايش بيهم».
واختتم رسالته قائلًا: «الله يرحمك يا أبو صلاح ويرزقك الجنة ويلحقني بيك على خير.. بتعلمني حتى وإنت هناك.. نسألكم الفاتحة».