أشاد الفنان تامر حسني بالشرطة الفرنسية، حيث روى عبر صفحته بموقع التواصل الاجتماعي "فيسبوك" موقف جميل وراقي من جانب الشرطة الفرنسية خلال حفلته.

وقال حسني: "حركة جميلة وراقية من شرطة فرنسا، أحب اذكرها جداً، لما شافوا الجمهور محاوط المكان وبدأ في تعطيل حركة المرور جت عربيات شرطة كتير نظموا المرور بشكل آخر عشان العربيات تعدي من شوارع أخرى ويخلوا الجمهور يعرف يقف معايا براحته من غير ضغط عربيات".

وأضاف حسني: "واغلقوا الطريق علينا كي لا نزعج أحدا، ونفضل أكتر وقت مع بعض لأني وعدت الجمهور أني هتصور معاهم يعني عكس ما تخيلت تماماً افتكرتهم جايين يفضوا الليلة".

وتابع: "وبعد كده مشيوا معايا في موكب كبير لتأمين وصولي للفندق رغم أني مطلبتش منهم حاجة اول مرة اشوف كده بصراحة شكراً شرطة فرنسا".