وجه الفنان تامر حسني عبر حسابه بموقع التواصل الاجتماعي "فيس بوك" رسالة للاعب نادي الأهلي حسام غالي بعدما أعلن اعتزاله اليوم.

وقال حسني: "تحليل شخصي مش أكتر واتمنى يطلع غلط بس واثق انه صح ....اللي يقرأ بين السطور ويركز في كلمة هنا عايز يرتاح وتحديداً كلمة مش قادر يلاقي ان الراجل ده بيبكي من الضغوط والحروب النفسية اللي اتعرض ليها في حياته".

وأضاف حسني: "حسام غالي بالفعل من أحسن وأرقى لاعبي مصر بيبكي وبياخد قرار ينهي بيه حياته الكروية بسبب (طاقة سلبية) خرجت من نفوس شريرة مريضة تملكت منه وسيطرت عليه بخلاف اللي بينصح بمحبه فهو مشكور في الحقيقة".

وتابع: "يا حسام أنت فعلاً تقدر تكمل بس انا مش ضد القرار لأن اعتزالك وأنت في قمتك هيخلد اسمك، أنا بس كان نفسي تاخد القرار من غير أي تأثير سلبي عليك عشان كان لازم تكسب المعركة دي عشان الأجيال الجاية تتعلم منك ميستسلموش لأي طاقه سلبية".

وواصل: "عموماً ربنا يكون في عونك وأنت أدرى من أي شخص بحالك وإن شاء الله ربنا يكتبلك الصالح ليك وهتوحشنا في الملاعب يا بطل".

واختتم حديثه قائلاً: "أتمنى انك تعمل ماتش اعتزال تاني في مصر عشان محبينك الكتار اللي مش هيقدروا يسافروا".