سما الشافعي

أثارت التعليقات الأخيره لفتاة " الفيس بوك" هدير مكاوي والتي أسماها رواد السوشيال ميديا لقب " الفريست سينجل مازر" ، جدلا واسعا  لينقسم النشطاء مابين داعم لقضيتها ومابين معارض، لما فعلته.

واوضحت فى تعليقاتها بأنها متزوجة وطفلها شرعي ، وغردت :"مساء الخير، احب اوضح ليكم كلكم اني رافعة قضية جواز واثبات نسب علي محمود مصطفي فهيم برغوت، و"آدم" ابن علاقة شرعية بورق جواز ومعرفة المقربين مننا ، وبعض من الأهل ليا وليه،والبلد اللى تم فيه الزواج كان الكل على علم بأنى مراته، وتنصله من الحمل ومن الولد هي خناقتي اللي ممكن تكون طويلة جدا، شاكرة جدا لكل اللي بيدعموني " .

وأضافت،  هديرفى تغريداتها :"لإننا فى مجتمع مريض كل واحد فيه منصب نفسه إله ،ااو صاحب فتوى، فحكمتوا ان الجواز العرفي حرام فى ظل مجتمع الأهالى فيه النيش و الشبكة أهم عندهم من البنى آدم الى هياخد بنتهم”.

وتابعت:  وأخيرا لما اطرح مشكلة مش معناها تماما انك تقول رأيك السلبي وتنصب نفسك إله و حاكم، لان دة مالوش قيمة بالنسبة الى لانى مقتنعة بكل خطوة ولو مش مقتنعة فهى حياتى واخترت صح أو غلط دة اختيارى انا مطلبتش من حد يدفع حسابه، ولا قتلت ابنى عشان اكون البنوتة اللذيذة الجميلة فى نظركم.”.

واستطردت: وفخورة بنفسي جدا انى بنى آدمة، مش لاقية توصيف ، باكل واشرب وانام و افتى فى حياة الناس وقت فراغي، ربنا يتوب عليكم ، مشفقة حقيقي على الشر الى جواكو".

متعاطفون

وجاءت الردود على تغريدات هدير كالتالى :" ربنا يهديكى ويسامحك ، ونحن متعاطفون مع الطفل الذى ليس له ذنب ".

 وآخرون متعاطفون معها كتبوا:"هدير كانت مرتبطة بشخص ولما حملت منه قالها انا مش مسئول ومش هعترف بالإبن ولاهتجوزك فقررت انها تواجه الناس والمجتمع ومقتلتش ابنها وحرمته من الحياه" .