الحقيقة أن منظومة الدعم في مصر ليها مشاكل كتير زي إننا معندناش قاعدة بيانات تحدد لنا بدقة مين المواطنين اللي بيستحقوا الدعم، بالإضافة إلى أننا مبنقدرش نفصل بين اللي يستحق الدعم واللي ميستحقش ودا اللي أنت بتشوفه ان اللي معاه عربية مرسيدس بياخد البنزين المدعم زيه زي اللي معاه عربية 128.
غير كدا تلاقي واحد معندوش عربية خالص مش مستفيد من الدعم بل العكس بيقى تحت رحمة سواقين الميكروباصات والمواصلات اللي بيزودوا عليه الأجرة أضعاف مضاعفة عند أي زيادة في سعر البنزين والسولار، مش البنزين بس، كمان أنبوبة البوتجاز والغاز الطبيعي بيرحوا للي ساكن في فيلا في التجمع بنفس سعر إلى بيروحوا بيه للي ساكن في أوضة في العشوائيات وبكدا يبقى الدعم فقد هدفه وكلف الدولة مليارات على الفاضي يدفع تمنها ولادنا بسبب عجز الموازنة والدين العام اللي بيزيد.