يحل علينا عيد الأم الذي تحتفل به جميع دول العالم تكريماً لمكانة الأمهات واعترافاً بعطائهن الفياض وعنائهن مع الأبناء طوال العمر ، إلا أن هذا اليوم له تقدير خاص عند المصريين الذين يحرصون على تقديم الهدايا لأمهاتهم باختلاف طبقاتهم الإجتماعية ومستوياتهم المادية واختلافهم الدينى سواء مسلمين أو أقباط وإختلاف أعمارهم .

"الهلال اليوم" رصدت إقبال المصريين على شراء هدايا عيد الأم في منطقة وسط البلد بالقاهرة ، وأسعارالهدايا وأنواعها وحجم الإقبال والتخفيضات التى تقدمها المحلات ، حيث أقبل المصريون بكثافة على شراء الملابس لأمهاتهم خاصة العبايات والشنط والأحذية والورود والساعات والعطور والمكياج والسلاسل والخواتم الفضة ، بينما شهدت محلات الذهب إقبالاً ضعيفاً بسبب إرتفاع أسعار الذهب ، ولجأت المحلات الى تقديم التخفيضات والعروض في محاولة لجذب المشترين والقضاء على حالة الركود التى تسيطر على الأسواق .

الفضة تنافس الذهب

وقال إبراهيم سليمان ، 44 عاما ، يعمل في محل لبيع الفضة " السنة دى في إقبال كبير من الناس على شراء الفضة ، لأن أسعارها مقبولة مقارنة بالذهب المرتفع الثمن ، والزبون بياخد هدية قيمة وتناسب جميع الأعمار وسعرها منخفض وشكلها جميل ، والأسعار تتراوح من 150 جنيه وحتى ألف جنيه فمثلا الخاتم يبدأ من 150 جنيه وهناك 350 و400 وأسعار ترتفع مع السلاسل لتصل إلى 500 جنيه والعقد لأن وزنه أكبر ممكن يوصل لألف جنيه وهكذا حسب الفورمة والموديل والوزن ".

وذكر عبد الرحمن أيوب ، 60 عاما ، صاحب محل ذهب " هناك عزوف كبير من المشترين على شراء الذهب في عيد الأم بسبب ارتفاع الأسعار حيث وصل جرام الذهب إلى 650 جنيها ، وعدم ثبات سعره بسبب ارتفاع وانخفاض الدولار بشكل مستمر جعل الزبون يترقب ثبات السعر ويمتنع عن الشراء ، والزبون اللى بيشتري هدية لعيد الأم عاوز حاجة ثمنها 300 جنيه أو 500 جنيه لكن مش هيشترى ذهب بألفين جنيه مثلا ، الزبون بيشترى احتياجاته الأساسية من الأكل والملابس وبس ".

إقبال على شراء العبايات والشنط والأحذية

وقال أيمن سلامة ، 32 عام ، يعمل في محل لبيع العبايات " عملنا تخفيضات في مناسبة عيد الأم علشان ننشط الركود اللى حصل طوال الشهور الماضية ، والأسعار تبدأ من 12ة جنية وحتى 350 جنيه ، وفيه أطقم مفارش للسفرة الخمس أطقم بـ 400 جنيه ، وفيه إقبال كبير من الزباين على الشراء ، صحيح مش زى السنة اللى فاتت أو اللى قبلها لكن الإقبال جيد ".

وأوضح عبد اللطيف سعيد ، 52 عام ، صاحب محل شنط " أسعار الشنط تبدأ من 150 جنيه وحتى 400 جنيه حسب نوع الشنطة وماركتها ومستوردة أم محلية الصنع ، وفيه خصم على الأسعار بنسبة 10% بمناسبة عيد الأم ، والإقبال متوسط ".

وأشار منصور عبد الحميد ، 33 عام ، يعمل في محل أحذية " يوجد أوكازيون على أسعار الأحذية بمناسبة الشتاء وعيد الأم والتصفيات ، ويوجد إقبال كبير من الزبائن على الشراء منذ منتصف شهر فبراير ، والخصومات زي كوتشي حريمي 30 أو 40 أو 60 أو 80 جنيه حسب نوع ، والخصومات دي لأول مرة علشان ننشط البيع وأنه الموسم أنتهى ، والأنواع تناسب جميع أعمار السيدات ".

وذكر محمد حسنى ، 25 عام " أنا جاى وسط البلد أشترى هدايا لأمى وحماتى وخطيبتى ، أمى وحماتى هشترى عبايات ، وخطيبتى شنطة ، والأسعار مرتفعة جدا حتى بعد الخصومات ".

الورود والعطور للطبقات الغنية

قال عبد الخالق محمود ، 60 عام ، صاحب محل ورود " بوكيه الورد بيوصل لـ500 جنيه ، ومش كل الناس بتشرتيه الطبقات الغنيمة بس ، والناس الرايقة والحساسة اللى تعرف قيمة الورد وتقدره ، وفيه ناس بتيجي تشترى وردة بس ممكن سعرها يوصل 20 جنيه أو 15 جنيه وده بيكون شباب صغير السن زى الابتدائي أو الإعدادى ".

ولفت إيهاب حمدى ، 28 عام ، يعمل في محل عطور " الأسعار عليها خصومات بمناسبة عيد الأم ، وتبدأ من 55 جنيه وحتى 450 جنيه حسب نوع العطر مستورد أم محلى ولو كان مستورد الفرنسي هو الأغلى ، والعطور طبعا في عيد الأم بيشتريها الناس اللى أمهاتهم موظفات بيروحوا الشغل دايما ، أو سنهم لسه صغير ، أما الأمهات كبار السن ممكن أولادهم يشتروا لهم طرح أو عبايات ".

هدايا المكياج والساعات

وشهدت محلات المكياج والساعات إقبالا أيضا من جانب الشباب والفتيات حيث قالت سماح شحاته " بشترى لوالدتى علبة مكياج بمناسبة عيد الأم وسعرها بيدأ من 80 جنيه وحتى 400 جنيه ، وفضلت إنى أشترى هدية مختلفة عن باقي أخواتى وحاجة تستخدمها بدل ما تركنها في الدولاب ".

وذكرت “ابتهال مصطفى " بشترى لماما ساعة ، وأسعارها بتبدأ من 70 جنيه وحتى 300 جنيه".