روى الفنان محمد إمام نجل الزعيم عادل إمام عبر صفحته
بموقع الصور الشهير "إنستجرام" موقفا طريفا تعرض له من كواليس تصوير فيلمه
الأخير "ليلة هنا وسرور".
ونشر إمام صورة من الكواليس، وعلق عليها قائلاً:
"من أصعب المشاهد اللى صورتها أنا وياسمين صبري، كنا بنجري بالبيجامة والروب على
كوبري قصر النيل يوم الخميس بالليل".
وأضاف: "واحنا بنجري ياسمين وقعت مني في وسط
الكوبري وقعدت تعيط على الأرض، لأنه عندها رباط صليبي والناس بدأت تتلم علينا، وأنا
قاعد بهدي فيها وأسلم على الناس في نفس الوقت لحد ما عربية الانتاج جت بسرعه وركبناها فيها ومشيت".
وتابع: "وأنا من كتر اللهوجة نسيت أركب معاهم، وفجأة لقيت نفسي واقف لوحدي بالروب وحافي في وسط أمة لا إله إلا الله وعاوزين كلهم
يتصورا معايا أو اتصورا خلاص والدنيا اتقلبت وانا مش لاقي ولا حد من التصوير".
وواصل: "لحد مالقيت واحد صاحبي معدي بالصدفة بعربيته ولحقني، وفي نفس الوقت طقم التصوير بيدورا عليا ومش عارفين أنا فين،
كان يوم صعب بس عدي على الخير الحمدلله والمشهد طلع لطيف جدًا".