نشر الشاعر الغنائي الكبير تامر حسين عبر حسابه الشخصي علي موقع التواصل الإجتماعي فيسبوك غلاف البوم عمرو دياب الجديد "كل حياتي" الدون عليه شكر خاص من دياب لتامر ، ومجموعة صور تجمعهما سويا .
وعلق تامر علي الصور قائلا: " إتفاجئت وفرحت جداً وسعدت بالتقدير الخاص من فنان كبير زيه وأعتقد عرفتوا جميعاً ليه هو رقم ( ١) بالنسبالى وفى مكان و غلاوة لوحده بعيداً عن الفرص الكبيرة اللى أتاحهالى ب شٌغلى معاه ونجاحنا سوا لازم تعرفوا الجانب الأهم والأجمل ف علاقتى ب الراجل ده الجدع الأصيل ده عمرو دياب عنده ميزة نادراً ما تلاقيها ف حد تانى كل سنه يقولولى ف العلن قدام جمهوره جمله تعوضنى تعب السنه كله مع انى اساساً شرف ليا ثقته فيا ومحبته وعلاقتنا اللى لوجه الله فقط لا غير حتى لو مانزليش معاه ولا أغنية هايفضل أستاذى وأخويا وصديق غالى جداً على قلبى لانه ما بينكرش ابداً مجهود حد السنه اللى فاتت قال جٌمله بجد اتخضيت من ذوقه ف حفلة مارينا ( قال تامر حسين صاحب فضل ف البوم ده ) مع انى مهما عملت مهما حاعمل قليل عليه وحاجات كٌلها من قلبى لخدمة الشغل ولمصلحتنا كٌلنا والسنادى فاجئنى بالشكر الخاص كم أنت عظيم ومتواضع وحقانى ومٌخلص ل الناس اللى بتحبهم وبيحبوك وربنا يديم العلاقة الانسانية والثقه اللى بنا اللى بتشرف وبتباهى بيها طول الوقت، شكراً أستاذى واخويا وحبيبى عمرو دياب " .