نعت الفنانة ريم البارودي الفنانة الراحلة غنوة محمد علي سليمان شقيقة المطربة أنغام التي توفيت اليوم الجمعة بعد تعرضها لحادث سير.

ونشرت البارودي صورة لغنوة، وعلقت عليها قائلة: "اللهم لا حول ولا قوة إلا بالله العلى العظيم.. إنا لله وإنا إليه راجعون، البقاء لله غنوة محمد على سليمان".

وأضافت: "بنت ليها حلم وطموح وعمرها لسه في أوله زى ما بنقول وفى لحظة، رجعت لخالق الكون، مصيرنا كلنا، ننساه أو نتناساه، نتخانق ونتضايق ونتعب قلبنا ونخسر بعض وعلى الشغل حرب وننسي الأهل ونهمل القريبين، كلنا واحد خلقنا ربنا وراجعينله".

وتابعت: " مهما عملنا وحاربنا مش هناخد ولا نوصل غير للي ربنا سبحانه وتعالى عايزه، وبرضه يوم ما ييجى دورنا ونرجعله مش هناخد معانا حاجة من هنا غير عملنا والسيرة الطيبة".

واختتمت حديثها: "الله يرحمك يا غنوة ويرحمنا جميعا، اسألكم الفاتحة والدعاء لغنوة".