قال الطبيب علي رمضان رئيس اللجنة الطبية باتحاد الدراجات في المؤتمر الصحفي المنعقد حاليا للتعليق على وفاة اسلام ناصر لاعب منتخب الدراجات «إسلام جه عندي العيادة وقالي المستشفى العسكرية أكدت إني سليم ودي أكبر مستشفى "أنتوا ليه عايزين تمنعوني" .
واضاف «حالات الاغماء للاعبين في الملعب بتحصل كتير والموت المفاجئ أيضا .. مثلا محمد عبدالوهاب لاعب الأهلي توفى بشكل مفاجئ وحتى الآن لن نتعرف على السبب الحقيقي في وفاة عبدالوهاب .. بعد ذلك وديت إسلام لأكبر أطباء مصر وأثبته صحته .. ومع ذلك وجيه عزام (رئيس اتحاد الدراجات) رفض أيضا مشاركة اللاعب».
واختتم «جالي إسلام وقالي "هما ليه متعندين معايا أنا بتمرن كدة كدة ومحدش هيمنعني عن ممارسة الرياضة".. لو كنا منعنا إسلام انه ميلعبش كان ممكن يرفع علينا قضية لأن مفيش أسباب واضحة ده مرتضى منصور هدد قبل كده أنه هيرفع قضية على مدرب المنتخب عشان مبيضمش أو مبيلاعبش لعيبة معينة.. وخلينا إسلام يكتب تعهد أنه لما يحس بتعب يتوقف عن اللعب».