نشر الفنان والمُنتج محمد محمود عبدالعزيز عبر حسابه الرسمي على موقع التواصل الاجتماعى "فيسبوك" مجموعة صور له أثناء زيارته لأهرامات الجيزة.
وعلق "محمد" على الصور قائلا: "حالة من الفخر والسعادة مش طبيعية، لما زرت أهراماتنا المصرية العظيمة وأبو الهول، مصر حلوة أوي وعظيمة أوي، السواح اللي بييجوا بجد بيستمتعوا ببلدنا أكتر مننا وبيشوفوا عظمة مصر على مر العصور، وإحنا مصريين وعايشين في مصر ومش بنشوف حاجة".
وأضاف: "أنا قررت أزور كل حتة حلوة في مصر وهتصور زي السواح ما بيتصوروا وهستمتع بكل شبر في بلدي، ولازم كلنا نعمل كده والله، منها نلمس بإيدينا عظمة بلدنا ومنها نشجع السياحة اللي كلنا عارفين أهميتها.. كما قال أبي العزيز (بلدنا حلوة يا اخواننا، حبوها).. تحيا مصر تحيا مصر تحيا مصر".