شرم برم حالى تعبان
أهل البلد والبنوكا والأطيان
صاروا على الأعيان أعيان
وابن البلد ماشى عريان
ممعاه ولا حق الدخان
شرم برم حالى غلبان
كانت عزايمك مشدودة
وسط الرجال المعدوده
أمسيت وأمك مسعوده
تندب رجالك والأوطان
شرم برم وحالى غلبان
وان كنت شاعر أو منشى
قالوا يا شيخ فضك وامشى
داحنا كلامنا فى المحشى
والا طبيخ الباذنجان
شرم برم وحالى غلبان
وإن كنت حرفى أو نحوى
والعلم فى ذهنك محوى
قالوا أتانا ببوز ملوى
يقول لنا عمرو وزيدان
شرم برم وحالى غلبان
شوف دى الجهاله ياسيدنا
اللى جلبنها بايدنا
حتى صبح يوم عيدنا
نسمع بلادنا تنشدنا
شرم برم وحالى غلبان
بعنا العمايم بالطربوش
والعري بالثوب المنقوش
صبحت بلادنا للمغشوش
مورد وصانعها ظمآن
وشرم برم حالي غلبان
يا ما نصحتك يا بنـــــــجر
وقلت لك إوعى تفنـــجر
فضلت تسـكر وتفنــــــجر
لما صبح بيتك خربـــان
شرم برم حالي تعبان
وان كنت صـــانع متفنن
قالـــــــوا اخينا دا اتجنن
وبعد ما كــــــان بيدندن
صبح يقول شغلي ألـوان
شرم برم حالي تعبان