استنكر الإعلامي تامر أمين، واقعة التحرش التي تعرضت لها إحدى الفتيات بالزقازيق، قائلا: "اتفرجت على الفيديو أكتر من 20 مرة ومش مصدق، عمال أقول مش ممكن، أكيد بيوزعوا لحمة ولا فراخ في الجمعية".

وأضاف أمين، خلال تقديمه برنامج "الحياة اليوم"، المُذاع على قناة "الحياة"، مساء اليوم: "اتضح فعلا أنهم بيوزعوا لحمة البنت، اللي كانوا عاوزين ينهشوها، هتقولولي السبب في ده الفقر أو الظروف مش ممكن، مر علينا فترات كنا أفقر من دلوقتي مليون مرة".

وتابع الإعلامي: "المشكلة مشكلة تعليم وتربية، والأب والأم طالما عارفين إن الشارع بالمنظر ده متسيبوش بناتكم لوحدهم لحد ما الناس دي تتربى".