حثّ الفنان محمد هنيدي، عبر مقطع فيديو عبر صفحته بموقع "تويتر" جمهوره على المكوث في المنزل لمدة 15 يوما - العزل المنزلي - ضمن إجراءات مواجهة انتشار فيروس كورونا.

وقال هنيدي في الفيديو: "قدامك حل من اتنين الأول انك تقعد في المنزل لمدة 15 يوما، هتتأثر ماديًا بس لفترة مؤقتة إن شاء الله، أو الحل التاني إنك تخرج في الشارع وتخسر روحك وتخسر حد من حبايبك والعياذ بالله".

وأضاف: "أكيد هتختار الأول إنك تقعد 15 يوما، لأن الأبحاث أكدت الفيروس مده الحضانة بتاعته 14 يوما، وممكن فيهم تعدي الناس من غير ما تعرف غنك مصاب".

وتابع: "لكن لو قعدت في البيت المريض هيبان عليه أعراض المرض، وهنقدر نعالجه حسب الإمكانيات، لكن لو معملتش كده الأعداد هتزيد وهتبقى أكبر من أي دولة وإمكانيات أي دولة.. أعتقد إنك تقعد في البيت واحمي نفسك وأسرتك وتحمي بلدك".