قال المطرب عمر كمال، إن والده كان ملتزم دينًا وتوفى قبل أن يدخل هو مجال الغناء وفي حال حياته لم يكن ليسمح له بالعمل في المجال الفني، مضيفا: "ابويا مات قبل ما اغني ومشفش نجاحي وكان ملتزم ديني ومكنش يعرف أن صوتي كويس وكنت لا اجرأ اقوله عايز اغني، واهلينا واخدين انطباع عن الوسط أنه كله مش كويس ولكن كل حته فيها الحلو والوحش".

وأكد المطرب عمر كمال، في حوار ببرنامج "شيخ الحارة والجريئة" مع المخرجة ايناس الدغيدي على قناة القاهرة والناس، أن حياته الشخصية نظيفة ولا يتناول أي مشروبات أو ممنوعات، قائلا: "حياتي نضيفة لا بشرب سيجارة ولا غيره،  وبحافظ على فرض ربنا، وأنا لو اشتغلت فى كباريه أو ديسكو زي ما بخش زي ما بطلع لا ببص يمين ولا شمال وبخلص شغل وامشي".

وتابع: "حتى لو دخلت كبارية مش بيغير فيا حاجة ولم اتلوث، وماشي بمبدأ ربي رب قلوب، وكل واحد حر وعمري ما غنيت للحشيش وعمري ما غنيت لفظ خارج في المقاطع بتاعتي في الاغاني المشتركة".