أكد محمود العسيلي أن حديثه عن الكورونا فى احدى التغريدات له على تويتر، فهمت بشكل خاطئ، قائلا، "ماقولتش ان كورونا وهم، قولت انها خدعة كبيرة في البشرية، كنت بتكلم عن حجم الخوف والهلع غير المبرر، بالكورونا قعدنا ٤ مليار شخص في البيت، والحكومة المصرية ماببتعاملش بهلع وخوف بالعكس بطريقة خلتنا نفتخر بحكومتنا"
وتابع خلال برنامج شيخ الحارة على القاهرة والناس، أغنية "علشان تبقى تقولي لا" بتاعت تميم يونس مش بتاعتى، وانا استفدت اني طلعت فيها وشرف ليا اني اطلع فيها، ولما عمل الاغنية اللي قبلها "انتى أى كلام" قولتله انا معاك فى اللى جاي، وأعتقد أنها عبقرية بس هي مش أغنية، لأنها بتلعب على المحتوى.
وأضاف العسيلى، بتفرج على مسلسلات رمضان وفي حاجات كتير عحبانى، لكن كنت قولت ان ٣٠ حلقة ممكن يأثروا على المحتوى، ولو اتعملت ١٥ حلقة هيبقى افضل، والمشكلة اننا بنتفرج على مسلسلات برة وعارفين الايقاع السريع، وأنا شخصيا أتابع، "الاختيار والبرنس و١٠٠ وش والفتوة وانا شخصيا مابغنيش تترلت خالص غير مرتين"
ووجه العسيلى رسالة إلى ابنه قائلا، "ابني على مش بعيد عني، انا موجود في حياته بشكل كبير، وبيبات عندي يومين تلاتة في الاسبوع، وهيتم ١٠ سنين في اغسطس اللي جاي واقول له " انا دايما في ضهرك وسندك" وعن والده، "كان مؤثر في حياتي وعلمني حاجات كتير"