علق الرئيس عبد الفتاح السيسي، على الحالة الاقتصادية للدولة، قائلا: "هل الموازنة قادرة على تلبية احتياجات المواطنين أم لا؟ بقولك دخلك 2000 جنيه، وأنت بتاخد 1500 جنيه، يبقى عجزك 500 جنيه، الفكرة أنت عايز كام تصرفه على 100 مليون مواطن".

وقال:" لما متصرفش الرقم ده ويتراكم عليك عدم الصرف، يترتب عليه تحديات كتيرة جدا في جميع المجالات، يقوم يتصدرلك إن الدولة غير قادرة على تلبية مطالبها، نتيجة فساد قوم يالّا هد الدولة".

وأكد الرئيس عبد الفتاح السيسي، أنه يكرر دائما فكرة الوعي ويتحدث عنها باستمرار، متابعا:" بتكلم على القضية اللي أنا قلقان منها، ودايما بشاور عليها، هو إن إحنا نحافظ على بلدنا لأن دايما اللي كان بيتم لإسقاط الدول كانت حروب مباشرة".

وأضاف السيسي: " دلوقتي فيه أجيال جديدة طالعة بتتعامل مع قضايانا، وتعيد تصديرها للرأي العام في مصر علشان يخلي الرأي العام أداة تدمير الدولة".

وتابع الرئيس: "كتير من رجال السياسة والمثقفين في أعقاب 2011 قعدت معاهم واتكلمت معاهم، فيه تسجيلات ليا مع الجنود والضباط يوعوا الناس، علشان يعرفوا إن فيه آمال وأحلام ربما نكون غير قادرين على تحقيقها".

جاء ذلك خلال فعاليات الندوة التثقيفية للقوات المسلحة الـ32، بحضور الرئيس عبد الفتاح السيسي، تحت عنوان، "أكتوبر 73.. رمز البقاء والنماء"، التي تأتي تزامنًا مع الاحتفالات بمرور 47 عامًا على انتصارات أكتوبر بحضور قادة القوات المسلحة وكبار رجال الدولة.