شدد الرئيس عبد الفتاح السيسي، على أن هناك تحديات تواجه الدولة المصرية، منها ما يمكن مواجهته والتغلب عليه، ومنها ما لا يمكن وفقا للوضع الحالي، مطالبا بضرورة التوعية بقضايا الدولة بشكل حقيقي.

وقال السيسي، اليوم الأحد: "باتكلم في اللي باتكلم فيه دايما، إن اللي إحنا فيه كتحديات فيه منها نقدر نتغلب عليها، ونشتغل ونبذل جهد ونستحمل، بالمناسبة هل أنا في البداية خالص لما اتكلمت معاكم قولتلكم أوهام ولّا قولتلكم هتتعبوا معايا وفيه تحديات كتيرة جدا جدا".

وتابع الرئيس السيسي: "لازم ربنا هيساعدنا لكن مهم إحنا كشعب ورأي عام يبقى منتبه للحرب اللي بيتم إدارتها دايما، محدش هيقدر يهزمكم أبدا، اسمعوا لما حصل 2011 اللي كان عايز يوصل للحكم وصل إمتى، وهي مستقرة ولا وهي واقعة.. وهي واقعة، طيب لو عايز أعمل أي حاجة في الدولة دي، لو حد عايز يهزمنا خارجيا طول ما إحنا ثابتين أو واقفين بغض النظر عن قوة الجيش حد يقدر؟ ما 67 كانت هزيمة قاسية جدا لكن الشعب وقف في قضيته بصموده برغم الدم اللي حصل".

جاء ذلك خلال فعاليات الندوة التثقيفية للقوات المسلحة الـ32، بحضور الرئيس عبد الفتاح السيسي، تحت عنوان، "أكتوبر 73.. رمز البقاء والنماء" ، التي تأتي تزامنًا مع الاحتفالات بمرور 47 عامًا على انتصارات أكتوبر بحضور قادة القوات المسلحة وكبار رجال الدولة.