قال الإعلامي عمرو أديب: «محدش عارف يعني إيه حبي للزمالك، يعني إيه الزمالك بالنسبة لي، أنا داخل على 57 سنة، بشجع منهم الزمالك 50 عامًا، وهناك 7 سنوات كنت قاعد اتفرج على العيلة، أبويا كان بيشجع الترسانة، وأخويا الكبير بيشجع الأهلي، وأخويا الصغير بيشجع الأهلي، وأنا الوحيد اللى كنت زملكاوي».

وأضاف خلال برنامج «الحكاية»، على قناة «إم بي سي مصر»: «بعد العمر دة كله مش ندمان على تشجيع الزمالك، وحقيقي اللاعيبة معدنها حلو لما تشوف طارق حامد بيلعب إزاي، أو عبد الله جمعة بيلعب إزاي، أو أبو جبل، بصرف النظر عن البطولات، إحنا البطولات مش مهمة بالنسبة لينا».