يحتل الشاعر المصرى الكبير مرسي جميل عزيز (1921 – 1980 ) مكانة مهمة فى الحياة الموسيقية المصرية والعربية، من خلال كلمات أغانيه التى رسخت فى الوجدان المصرى والعربي عبر سنوات طويلة. وقد شدى بكلمات مرسى جميل عزيز كبار المطربين والمطربات، نذكر منهم، ( أم كلثوم – موسيقار الأجيال محمد عبدالوهاب – محمد عبدالمطلب – محمد قنديل – عبدالعزيز محمود – كارم محمود – فريد الأطرش – عبدالحليم حافظ – محرم فؤاد – شادية – نجاة – وردة – نجاح سلام -  حورية حسن – صباح – فايدة كامل – فايزة أحمد – هدى سلطان – شهرزاد – أحلام – عفاف راضى ). وكذلك فقد لحن كلمات مرسى جميل عزيز كبار الملحنين المصريين نذكر منهم ( محمد عبدالوهاب – عزت الجاهلى – عبدالعظيم عبدالحق – محمود الشريف – كارم محمود – عبدالعزيز محمود – أحمد صدقى – فريد الأطرش – محمد فوزى – منير مراد – كمال الطويل – محمد الموجى – بليغ حمدى – سيد إسماعيل ).

ولد مرسى جميل عزيز فى التاسع من يونيه 1921، بمدينة الزقازيق بمحافظة الشرقية، وكان والده من كبار التجار بالمحافظة، وقد شجعه على الاستمرار فى كتابة الشعر بعد أن ظهرت مواهبه فى هذا المجال فى سن مبكرة، وبعد أن أنهى دراسته الثانوية التحق بكلية الحقوق.

وفى 1939 كتب ميلاده الفنى عندما غنى له عبدالعزيز محمود من تلحينه، أغنية (يامزوق ياورد فى عود) وبعدها انطلق مرسى جميل عزيز من نجاح إلى نجاح. وفيما يلى نذكر نماذج من  الأغانى التى ألفها لكبار المطربين والمطربات لنتعرف على أسلوبه فى صياغة كلمات أغانيه فى سهولة ويسر، فيما يعرف فى عالم الفن بالسهل الممتنع :

أولا المطربات :

أم كلثوم : غنت من كلماته ثلاث أغانى من تلحين بليغ حمدى كان أولها أغنية (سيرة الحب) وقدمتها عام 1964، ويقول مطلعها :

طول عمرى بخاف م الحب.. وسيرة الحب.. وظلم الحب لكل أصحابه   

واعرف حكايات مليانه آهات ودموع وأنين.. والعاشقين دابو ما تابو

طول عمرى باقول.. لا أنا قد الشوق وليالى الشوق ولا قلبى قد عذابه

وقابلتك انت لقيتك بتغير كل حياتى

مااعرفش ازاى أنا حبيت مااعرفش إزاى ياحياتى

من همسة حب لقيتنى بحب  وادوب فى الحب وصبح وليل على بابه.

كما غنت كوكب الشرق أم كلثوم أيضا من كلمات مرسى جميل عزيز وتلحين بليغ حمدى أغنية "فات الميعاد" وغنتها عام 1967 ويقول مطلعها:

فات الميعاد وبقينا بعاد              والنار بقت دخان ورماد

تفيد بإيه يا ندم                         وتعمل إيه ياعتاب

طالت ليالى الألم واتفرقوا الأحباب

وكفاية بقى تعذيب وشقا             ودموع فى فراق ودموع فى لقا

تعتب عليه  ليه  أنا بايدية إيه فات الميعاد.

وغنت أم كلثوم كذلك من كلمات مرسى جميل عزيز وتلحين بليغ حمدى أغنية (ألف ليلة وليلة) وقدمتها عام 1969، ويقول مطلعها :

ياحبيبى الليل وسماه ونجومه      وقمره  وسهره            

وانت  وانا ياحبيبى  أنا             ياحياتى  أنا 

كلنا كلنا فى الحب سوا             والهوى آه منه الهوى

سهران الهوى   يسبقنا الهنا     ويقول بالهنا 

ياحبيبى يالله  نعيش 

 فى عيون الليل

ونقول للشمس تعالى .. تعالى بعد سنة .. مش قبل سنة

دى لية حب حلوة               

  بألف ليلة وليلة

بكل العمر هو العمر إيه     

   غير ليلة زى الليلة

ومن كلمات مرسى جميل عزيز ، وتلحين وغناء موسيقار الأجيال محمد عبدالوهاب نذكر أغنية "جايين للدنيا مانعرف ليه" وهى آخر ما غنى وقدمها عام 1989، ويقول مطلعها :

جايين الدنيا      مانعرف ليه       ولا عايزين  إيه

مشاوير مرسومة لخطاوينا         نمشيها فى غربة ليالينا

يوم تفرحنا                            ويوم تجرحنا

واحنا ولااحنا                         عارفين ليه

وزى ماجينا جينا                    ومش بايدينا  جينا

وغنى عبدالحليم حافظ من كلمات مرسى جميل عزيز ، وتلحين محمد عبدالوهاب أغنية "ياخلى القلب" عام 1969، ويقول مطلعها :

ياخلى القلب ياحبيبى  ... لو فى قلبك قد قلبى حب ياحبيبى

لو بتكوى النار نهارك لو بتسهر زى ليلى

لو صحيح بتحب ... كنا نحضن حبنا ونبعد بعيد

 عن عيون الدنيا عن كل العيون.

ومن كلمات مرسى جميل عزيز، وتلحين محمد عبد الوهاب أيضا غنت

المطربة الكبيرة نجاة، أغنية "دوبنا  حبايبنا" وقدمتها عام 1971، ويقول مطلعها :

حبايبنا دوبنا حبايبنا              ولاقلنا لحد إننا دوبنا

ودارينا  وخبينا                    وكدبنا حتى على قلوبنا

دوبنا حبايبنا                            يا مظلومين فى الحب يا

يامجروحين القلب يا            وخدين الصبر صديق

والأمل الحلو صديق        

على شط الليل مستنية

ومراكب حب معدية    

 بحلم  بحبيبى

وكفاية علينا حبينا               ودارينا  وخبينا

وكدبنا حتى على قلوبنا     

دوبنا ياحبايبنا 

وغنت المطربة الكبيرة وردة من كلمات مرسى جميل عزيز، وتلحين محمد عبدالوهاب، أغنية "لولا الملامة" وقدمتها عام 1973 ،ويقول مطلعها :

 لولا الملامة يا هوى          لولا  الملامة

لفرد جناحى ع                 الهوى زى اليمامة

وأطير وأرفرف فى الفضا   واهرب من الدنيا الفضا

وكفاية عمرى اللى انقضى   وأنا بخاف من الملامة

                     وآه  من الملامة

ومن كلمات مرسى جميل عزيز، وتلحين كمال الطويل، غنى عبدالحليم حافظ الأغانى التالية: 

أولا: أغنية "بتلومونى ليه"

  بتلومونى ليه ... بتلومونى

لو شفتم عينيه ... حلوين قد إيه

ح تقولوا  انشغالى ... وسهر الليالى

           مش كتير عليه

          ليه بتلومونى

ثانيا : أغنية "أبو عيون جريئة"     

 قولوله الحقيقة .. قولوله باحبه من أول دقيقة

قولوله  بحبه... ومتوهنى حبه فى بحوره الغريقة

                 أبو عيون جريئة

كان مالى ماكنت فى حالى ... متهنى بقلبى الخالى

فات رمشه الجريء وندهلى .. وف أجمل عيون توهنى

قولوله ندهلى ليه  .. حيرنى وشغلنى عليه

بالحب اللى زايد ... والشوق اللى قايد من أول دقيقة

                 أبو عيون جريئة

ثالثا : أغنية "الحلوة"  

الحلوة الحلوة الحلوة  ... برموشها السودة الحلوة

شغلتنى نادتنى خديتنى .... وديتنى بعيد وجابتنى

والشوق الشوق غلبنى  ... الشوق كان حيدوبنى

لولا ضحكتها الحلوة   ... وعدتنى بحاجات حلوة

                الحلوة  عينيك ياحبيبى

وبالإضافة إلى تلك الأغانى الثلاث السابقة، فقد غنى عبدالحليم حافظ أغنية أخرى من كلمات مرسى جميل عزيز، وتلحين كمال الطويل، أيضا وهى أغانى "فى يوم فى شهر فى سنة – بلدى يابلدى – هى دى هى – راح – جواب – بلاش عتاب".

ومن كلمات مرسى جميل عزيز، وتلحين محمد الموجى، قدمت الأغانى التالية التى شدى بها المطرب الكبير عبدالحليم حافظ:

أولا : أغنية "اسبقنى ياقلبى"

 اسبقنى ياقلبى اسبقنى ...ع الجنة الحلوة اسبقنى

 اسبقنى وقول لحبيبى  ... أنا جاى على طول ياحبيبى

        الحقنى قوام الحقنى ... ع الجنة الحلوة اسبقنى

ثانيا : أغنية "الليالى"

كل كلمة حب حلوة قلتها لى ... أنا جاى على طول ياحبيبى

والأمانى والعطف والقلب الحنين ...والأمانى كلها نولتها لى

بس قلبى لسه خايف م الليالى ...  وانت عارف قد إيه ظلم الليالى 

                            ياحبيبى

ثالثا : أغنية "حبك نار"

نار حبك نار بعدك نار ... قربك نار واكتر من نار

   نار ياحبيبى نار       .... نار يا حبيبى نار

         حبك نار    ...    نار يا حبيبى

رابعا: أغنية "ليه تشغل بالك"

 ليه تشغل بالك ليه ليه  ... على بكرة وتبكى عليه

مين عارف حايكون إيه  ... مين عارف

اضحك وافرح من قلبك   ... وانسى الدنيا وما فيها

خلى الأيام تفرح بيك ...      وانت كمان افرح بيها

وقد غنى عبدالحليم حافظ عددا آخر من الأغانى من كلمات مرسى جميل عزيز ، وتلحين محمد الموجى هى "ياقلبى خبى – أحبك –

الجمال هو – الفوازير – ياابو قلب خالى – أدهم الشرقاوى".

وغنى محرم فؤاد من كلمات مرسى جميل عزيز وتلحين محمد الموجى عددا من الأغانى نذكر منها "رمش عينه – الحلوة داير شباكها – ندم – والنبى لنكيد العزال".

كما غنت المطربة الكبيرة فايزة أحمد الأغانى التالية من كلمات مرسى جميل عزيز وتلحين محمد الموجى " يمّه القمر عالباب – أنا قلبي ليك ميال- ياليلة بيضا – بيت العز يابيتنا – حيران – حبيبى واحشنى – يا الأسمرانى – ليه ياقلبى ليه". وغنت المطربة الكبيرة شادية أيضا من كلمات مرسى جميل عزيز، وتلحين محمد الموجى الأغانى التالية "زعلانة ليه – أنا فى حبك – عقد لولى – شباكنا ستايره حرير – ياقلبى سيبك".

وقدمت المطربة الكبيرة نجاة من كلمات مرسى جميل عزيز وتلحين محمد الموجى أغنيتى "أما  براوة – حبيبى لولا السهر".

وقدمت المطربة الكبيرة وردة أغنية "أكدب عليك"، وقدمت المطربة عفاف راضى أغنية "يهديك يرضيك".

وفى التاسع من فبراير 1980 رحل مرسى جميل عزيز عن عالمنا بعد فترة من المرض.

أرجو عزيزى القارئ أن أكون قد ألقيت لك بعض الأضواء على حياة وأهم أعمال هذا الشاعر الكبير الذى مازال يعيش بيننا بكلماته الراقية الباقية فى تراثنا ووجداننا.