ريم العدل تدافع عن مهرجان "الجونة": مالوش دعوة بكورونا وبلاش تلاكيك

نشرت مصممة الأزياء ريم العدل، "بوست" جديد على صفحتها الرسمية في "فيسبوك"، بعد إعلانها خبر إصابتها بفيروس كورونا، قائلة: "إمبارح كتبت بوست باعلن فيه إصابتي بكورونا، واللي أنا مش شايفاه عيب ولا وصمة، ولا أنا أول واحدة ولا آخر واحدة، يا جماعة إحنا في وباء عالمي كل واحد مصاب، أو مخالط عليه مسؤولية أخلاقية يبلغ اللي حواليه، علشان ياخدوا احتياطاتهم".

وأضافت: "من المهم أول ما كتبت البوست وأنا عمالة يجيلي مكالمات، من صحفيين طالبين تصريحات،ومداخلات في برامج مهمة، لإدانة مهرجان الجونة، ومش فاهمة ليه بجد؟ وكان فيه ترصد لمهرجان الجونة اللي الحقيقة، وبشهادة وزارة الصحة نفسها، كان واخد كل الإجراءات الوقائية".

وتابعت: "أي فعاليات مش تحت إشراف المهرجان مباشرة لا تخضع لمسؤوليته، وإنما هي تحت مسؤولية منظميها، زائد إن كلنا أفراد راشدين مسؤولين عن قرارتنا وسلوكيتنا.. فنهدا شوية يا جماعة، وعلى فكرة أستاذة نشوى مصطفى ربنا يقومها بالسلامة يا رب، ماكنتش في الجونة أصلا ! ووجز ماكنش في الجونة، ده واحد كان مسافر الجونة مع أصحابه".

وأتمت بالقول: "تامر هاشم أعلن إصابته قبل الجونة أصلا، وأكيد تامر هاشم أشهر مني، وماتعملش عليه الزيطة اللي حصلت إمبارح علشان ماكنش في ساعتها جونة نلوم على منظميها!! كفاية يا جماعة ارحموا نفسكوا!!! أنا ماشوفتش ناس بتتلكك علشان توقف الحياة بالطريقة ديه! ربنا يسلم ويحفظ الكل".