عمرو جمال: حنان مطاوع قامة فنية كبيرة.. وشكرا لمن أعطاني فرصة البطولة

عبر الفنان عمرو جمال، بطل فيلم "قابل للكسر"، عن سعادته الشديدة،  بتجسيد دور البطولة في الفيلم أمام النجمة حنان مطاوع، كما شكر المخرج والمؤلف أحمد رشوان على إيمانه به وبموهبته.

وكتب جمال، عبر صفحته الشخصية على موقع فيسبوك: 

"اأسبوع اللي فات كان العرض الأول لفيلم قابل للكسر في المسابقة الرسمية لمهرجان الإسكندرية السينمائي، وكان فيلم الافتتاح دي كانت اول مره اشوف الفيلم وده كان وسط جمهور المهرجان في السينما مفتكرش كنت عمري متوتر زي اليوم ده ، الحمد لله انا سعيد بالتجربه دي جدا وبكل الاراء اللي سمعتها ، هفضل دايما ممتن لاحمد رشوان انه كان عنده الجرأه انه يديني دور البطولة في الفيلم علي الرغم ان كان الاختيار الاسهل انه يجيب ممثل معروف اكتر وليه جمهور خصوصا لدور اساسي وصعب زي دور كريم ، وسعيد وفخور جدا ان اول دور ليا في السينما واول بطوله تكون قدام حنان مطاوع اللي بشوف انها من احسن الممثلات الموجودين دلوقتي.

بجد انا استمتعت واتعلمت كتير من شغلي معاكي ، اتمني الفيلم ينزل قريب والكل يشوفه ، الي مزيد من الافلام والي مزيد من صناع الافلام اللي عندهم جرأه يطلعوا بره المألوف " . ويعتبر فيلم " قابل للكسر " هو الفيلم الوحيد المشارك في المسابقة الرسمية لمهرجان الإسكندرية السينمائي لدول البحر المتوسط في دورته ال 36 برئاسة " الأمير أباظة " وإدارة " غادة عصفور " .

فيلم " قابل للكسر " كان من المقرر عرضه في الدورة التاسعة لمهرجان الأقصر للسينما الأفريقية في شهر مارس الماضى، لكنه لم يعرض في المسابقة الرسمية، بعد توقف العروض الجماهيرية بسبب تفشي فيروس كورونا في هذا الوقت. الفيلم تأليف وإخراج " أحمد رشوان "، بطولة " حنان مطاوع، رانيا شاهين، فاطمة عادل، عمرو جمال، خالد خطاب"، ويشارك به عدد من ضيوف الشرف وهم " حنان يوسف، عاصم نجاتي، محمد رضوان، وجيه عجمي، محمد عبدالفتاح، هالة عمر، أحمد فتحي "، كما يشارك فى الفيلم أيضا عدد كبير من الوجوه الجديدة منهم " محمد الموجي، أحمد شكري، كريم العطار، ناجى شحاتة، تونى روبرت، إيمان ثابت، هند أكرم، محمد أمجد، ياسر زكي، أحمد عراقي، محمد جودة، أحمد كامل، تونى أمين، سيد عبد النبي، يوسف سمرة، محمد محسن، شريف اليمني، باكينام عز الدين" .