إنتصار السيسي تكشف عن نصيحة والدة الرئيس لها قبل الزواج (فيديو)

كشفت إنتصار السيسي، قرينة الرئيس عبد الفتاح السيسي، عن نصيحة والدة الرئيس السيسي، قبل زواجهما، وقالت: «جمعتنا في منزل والده في مدينة نصر، كل البنات والأولاد إخوته، وقالت أنتوا يا أولاد لازم تبقوا عارفين إيه إللى ينجح البيت، وهو إن كل واحدة فيكم يكون ليها خصوصية في بيتها، وكل واحدة فيكم تكون عارفة كويس إيه الكلام إللي تقوله، وإيه الكلام إللي متقولهوش».

وأضافت خلال لقائها مع الإعلامية إسعاد يونس في برنامج «صاحبة السعادة»، على قناة «dmc»: « قالت لنا كل واحدة فيكم عاوزة تخرج مع زوجها وأولادها، مش شرط تقول رايحة فين وجاية منين، وكل واحدة تعتبر إنها في منزل لوحدها».

وتابعت إن حماتها كانت حكيمة جدًا، وكانت تقول لو الأولاد طلعوا على أن طبيعة كل بيت مثل الثاني، هيكون هناك توازن، وهيطلعوا بيحبوا بعض، وهيبقوا عارفين إيه الصح والغلط، والحلال والحرام».

وتستضيف الإعلامية إسعاد يونس، اليوم الخميس، في لقاء خاص على قناة "dmc"، السيدة إنتصار السيسي، قرينة الرئيس عبد الفتاح السيسي، للحديث إلى مسيرة الرئيس، حتى توليه قيادة دفة الدولة المصرية إلى بر الأمان.