تنشر "الهلال اليوم"، رباعيات شعر عامية للشاعر أحمد عثمان من كتاب "حبات الؤلؤ".

فى وقت قطف الثمار *** قال القدر قولته

سكنت روح الأحبة *** وجسدي راح عنده 

ياللي أنت غاوي الجمال *** في الشكل والمظهر 

من أمتى كانت الوشوش *** بتكشف الجوهر

احشد ف قدراتك *** لجل الصعاب ياما 

عشمنا ف مجالك *** تسيب لنا علامة

كل حاجة في بلدنا *** شكل حاجة عند ناس 

عمرنا ماعملنا حاجة *** مظبوطة ليها أساس

ندرن على لاجيب *** أحبابي حوليا

واسعد حياتهم وشوف *** الفرحة بعنيا

ربك بيدينا  ***   على قد ما ندى 

معقول أعيش عاله *** على تراث جدي 

تكريم كبار السن *** في بلدنا أكذوبة

بألم مرضنا نأن *** خدوا خيرنا ورمونة 

لعب القدر لعبته *** خدني على غفلة

خاليته ياخد الجسد *** والروح بقت حرة

كان فيه مره سألنا أبو لمعة*** علشان يحكى ع الإتيكيت

اقسم انه شاف على سفره *** شوكة وسكينة في إيد كتاكيت

لو البداية نجاح *** أسعى وطورها 

ولو ما ضفتش جديد *** أكيد ح تخسرها