تنشر «الهلال اليوم»، رباعيات شعر عامية للشاعر
أحمد عثمان من كتاب "حبات اللؤلؤ":
ضحيت بعمرى عشان *** تكبر أصاد عيني
لكن وداعك قدر *** مكتوب على جبيني
الفرق بين المكان*** والمكانة بعيد
المال بيصنع مكان *** لكن المكانة تمجيد
ياللي عملتم بتنا بيتكم *** وتمتعوا فيه
براحتكم
ساعة
الزنقة هجرتم بتنا *** مش شايفنكم ولا
سامعنكم
العلاج بيجيب نتيجة *** لمريض مليان أمل
والنتيجة تكون عجيبة *** لسليم مات م الزعل
كان أبو لمعة ف مره بيحكي *** كان في كورة
شاطها لفوق
بعد ما نام صحوه وقالوله *** كورتك وصلت قُرب
دسوك
بلدنا بيت منقسم *** لدورين فيهم عالمين
تحت عيشتهم عذاب *** وفوق عيشتهم زين
ياللي أنت طالب العلا *** كافح وروح ليها
وادفع تمن مهرها *** ح دوق أمانيها
يا صحبة الخير ربنا *** عوضني أنا بيكم
قاعدتنا حب وهنا *** والفرحة وسطيكم
المنافق له علامه *** إنه دايمًا كلب سيده
للخصوم ينبح ويهجم *** أما سيده يبوس في إيده
للدنيا رب عظيم *** قادر يسيرها
ولأنه بينا رحيم *** أدانا أسرارها
ياللي كتير الكلام *** فعلك دا ليه نونو
وكل واحد وثق *** خيبتله ظنونه