تنشر «الهلال اليوم»، رباعيات شعر عامية للشاعر أحمد عثمان من كتاب "حبات اللؤلؤ":
قاعدين يعيدوا ف كلام *** مالهوش ولا إفادة
لو يوم فاتك رغيهم *** ما تخفشي فيه إعادة
********************
جي جي الاجه بتاخد ***
القاعدة في الإعلان
على أكلها وشربها *** والموضة
والبرفان
***************
لو جه عليك الزمن *** يا بني
على غفله
جمع قواك دا الخطر*** لازمله
يوم وقفه
*****************
عارف صعاب بلدي *** لكنى بعشقها
ما
بين بلاد الله *** ما
خترت يوم غيرها
********************
أدى لصاحبك فرصة جديدة *** لو ندمان على غلطته فيك
وأديه ثقتك حتة بحتة ***
لحد ما صدقه تشوفه بعينيك
*****************
يعنى إيه معنى الكبير ؟
اللي مص ف دم أهله *** لجل ماله يكون كتير
أو ظلم كل اللي حبه *** بشعور أسي وخطير
هو دا يعني الكبير
*****************
كل مسئول يجي لينا *** يمحي إنجاز اللي قبله
لجل دا ف الصفر عشنا *** من اللي قبله واللي بعده
********************
نقطة نهاية السباق *** أهم
خطوة فيه
بعزم أوصل لها *** فوزك أكيد
تجنيه
*****************
ياللي إنت عاوزة جدع *** قادر
يصون حبك
افتكري ساعة الخطر *** مين اللي كان سندك
*****************
صاحب الهمة في هدفه *** حققه
بكل التفاني
واللي خاب في إرادته يملك ***
إيه يا ناس غير الأماني
****************
أول ما تلقى المصايب *** جايه بالجملة
فتش ف روحك ح تلقى *** العلة من جوه
*****************
طب ليه بلدنا يا ناس ***
بتحاصر الموهوب
وتجيب منافق مكانه *** ينفذ
المطلوب
***************
أول ما قول للمدام *** على
حاجة تعملها
تصرخ بأفظع كلام *** عفارتها
تركبها
***************
زمن الرخاص *** سيطر خلاص
أطلق طموحك للعلا *** وادفع في وطنك
للخلاص
*****************
على قد حجم الصعاب *** بكرمه
ح يساعدك
احلم بلمس السحاب *** تفرح
بنول وعدك
***************
شكرا عميد الأدب *** عمى يا
طه حسين
فكرك علاج للعطب *** بس إحنا
مش فاهمين
*****************
قرايبي الأغنيا *** بيخافوا ع السحتوت
وقاربتى
الطيبة *** بقلبها بتجود
***************
لاقيته وسط الخطر *** وحده
واقف سندي
ولما غدر الزمن *** هو اللي
حمى ضهري
******************
الديب حرس بطنا *** من كل كلب
جعان
لما أدناه ضهرنا *** نهشه كما
الفجعان