تنشر«الهلال اليوم»، رباعيات شعر عامية للشاعر أحمد عثمان من كتاب "حبات اللؤلؤ":
في ناس بتطرح أمل *** وناس تبث في شر
وناس بتاخد أديك *** وناس تمامها أر
*****************
أدى لنفسك فرصة جديدة *** مش من واقعة نهاية الكون
شايف ماتش الكورة يا صاحبي *** اللي مصمم بيجيب جون
*****************
ياللي عايش من غير رؤية *** أنت ح تعمل إيه وزاي
ولا ح تفضل داخل دايرة *** يبقى بكرة أكيد مش جاي
*****************
زيزى حريقة لما تعاير *** يا ويلك من سم كلام
لساها فاكره لما لهفتم *** أنت وعيلتك ورك حمام
***************
النجاح مش رغبة *** هايمة ف السما
النجاح قرار وفعل *** مطلوقين من قلبنا
*****************
لما العواصف تطيح *** فاديها سبها تمر
أوعاك تقف تنكسر *** ودوق يا صاحبي المر
******************
لو شعب فقد بوصلته *** وباع كرامته بلقمته
بقي م العبيد ذله شديد *** وقيده أصبح جنته
********************
احشد قواك يا بني *** لهدف وصممله
واحلم لنفسك حلم *** إسعاله توصله
*****************
سمعت منك كتير *** وعيني ما شفتشى
اللي تملى بياخد *** عمره ما بيدي
******************
سألوني ليه كلنا *** بنحب صاحبنا
أنا قلت هو السند *** وعمره ما خذلنا
*****************
سامحوني يا أحباب *** ما كنش يوم قصدي
يكون ما بنا عتاب *** دا حبكوا في قلبي
*****************
لما الدنيا الواسعة تضيق *** اصنع أنت فيها دنياك
جمع فيها حبيب وصديق *** ح يعيشوا دنيا جميلة معاك
******************
في أي دين أو ِملل *** يا بو جهل يا شيطان
تقتل أخوك البريء *** خالقه رحيم رحمان