تنشر«الهلال اليوم»، رباعيات شعر عامية للشاعر أحمد عثمان من كتاب "حبات اللؤلؤ":
كان فيه حبيب عايش وسطينا .. مالي الدنيا هنا وأفراح
معقول يجي لحظة علينا .. يصبح فيها حلم وراح
***************
قالوا صوت المرأة عورة .. قلت دي أكبر مؤامرة
هى قامت لينا قومة .. غير بإيد راجل ومرأة
********************
مين يقوم بعد سقوطه .. مين ح يفتكره الزمن
اللي حلمه اتحدى موته .. وانتصر على المحن
*****************
أسف يا جيل بكره .. ما كنش لينا قدره
نزرعلكوا الأحلام
لكن ح نسندكوا .. في الوقعة نرفعكوا
وح توصلوا بسلام
*****************
من كام سنة وأنت .. يا بلدنا تتسرقي
ومكملة طريقك
شقيانك أتعرى .. وسارقك أتهنى
هارسة محبينك
*****************
كان أبو لمعة بيحكي ف مرة .. على طيارة أسرع من الصوت
جرى يلاحقها وح يسبقها .. لولا كعبلته فلا راس برغوت
***************
الهزيمة للبطل .. بتكون بداية
لانتصارات في الحياة .. ملهاش نهاية
*****************
محن الحياة والضغوط .. بتكشف المعدن
واللي أصابه الصدا .. بعده يكون أحسن
*****************
أنا حلمي أصبح وطن .. نجاني من يأسي
وبعدني عن غربتي .. ورجعت لنفسي