طمأنت الفنانة شيماء سيف، جمهورها ومحبيها، بأنها تخطّت الأزمة النفسية التي كانت تمر بها خلال الأيام الماضية، والتي كانت سببًا في انتشار شائعات قوية عن انفصالها عن زوجها المنتج محمد كارتر.
وقالت شيماء عبر صفحتها الرسمية على إنستجرام :"عمرى ما تخيلت إن غلاوتى تكون كده عندكم، كنت زعلانة وقوتونى بدعواتكم وحبكم الى من القلب بجد، ربنا يخليكم ليا انتو وكل أصحابي الفنانين الى اتاكدت انهم عيلتى التانية، ربنا يديم حبكم فقلبى ودايما سند وعيلة لبعض، واسفة انى كنت مبردش بس للاسف انا مبعرفش اخلى حد يشوفني مضايقة لانى بحس انى ضايقته معايا فبحب اختفى لحد ما ارجع زى ماكنت اضحك واضحكم معايا، والحمد لله انا دلوقتى زى الفل وزى ما قلقتكم كان لازم اطمنكم ، كل سنة وانتم اطيب ناس فى الدنيا ورمضان كريم ".
وكانت شيماء قد وجهت نصيحة إلى متابعيها عبر خاصية القصص المصورة "ستوري" لحسابها على Instagram، وكتبت: "محدش يجي على نفسه عشان حد، متجملوش في الناس على حساب نفسكم"، وأضافت: "سيبوا كل حد يبان على حقيقته عشان لما يأذيكم مش هتعرفوا تثبتوا عكس اللي جملتوه في عين الناس".
أوضحت شيماء سيف: "في النهاية مفيش غير كلمة واحدة تتقال، ربنا بس اللي عنده كل الحقايق وهو الحكم العدل"، اختتمت كلامها مؤكدة على مواصلتها حياتها بعد ما حدث وكتبت: "دعواتكم، ونقطة ومن أول السطر".
