دخل الفنان مصطفى درويش في مشادة كلامية مع إحدى متابعيه بسبب تعليق له على خبر وفاة الطيار أشرف أبو اليُسر، صاحب الأزمة الشهيرة مع الفنان محمد رمضان.
وكتب درويش منشور على "فيسبوك" قال فيه :" عملت إيه وظلمت مين كده علشان الناس وهي صايمه تدعي عليك بحسبي الله ونعم الوكيل، أنت في كارثة حقيقي وكارثة متعوضهاش فلوس الدنيا، يارب لا تجعلنا من القاهرين ولا من المقهورين".
وقالت إحدى المتابعات :" معلش هو بيتدعي عليه بأماره ايه !؟؟!!!! الطيار الله يرحمه كان غلطان و غلطه اكبر من محمد رمضان بكتير لان هو ادري ب قوانين شغله و اتعاقب من شغله مش من محمد رمضان ... و رمضان غلط انه نزل الصوره و اتعاقب انه دفع ملايين ثمن صوره ... و في الاخر الاعمار بيد الله .. يعني لو كان محمد رمضان اللي مات كنتو حتقولو حسبي الله و نعم الوكيل ف الطيار !؟؟؟؟؟؟".
وردّ عليها درويش بقوله :"لا اسف معلش اصل حضرتك لما تروحي تتصوري في كابينه طيار عادي محدش بيقولك لا والراجل احترم ان فنان ومشهور اكيد مش صغير وهينزل فيديو يقول انا سايق طياره ده أولا، ثانيا جبر الخواطر علي الله مش ابقي سبب في ضياع مستقبل واحد باسرته وحتي ما اكلموش واجبر بخاطره لا معلش فوتت منك دي لما حضرتك تخدميني في شغلك من باب الجدعه مش معناها اني ادمرك واقعدك في بيتكم واقول انا مالي عي اللي عملت".
وأضاف :"عاوزين ربنا يهدينا ازاي ولا يحبنا ازاي واحنا بننصر الظلم علي المظلوم هو انتي عارفه بتقولي ايه تخيلي كده باباكى الله يرحمه خدم حد في شغله واترفد واللي خدمه ده معبروش حتي بمكالمه وقالك انا مالي هتقولي ايه والنبي يا يورا مش هندخل التطبيل في الحاجات دي لا ان التمثيل علي الشهره علي الفلوس تغور في سنين داهيه، ومش عايز اقولك جربي الظلم وابقي احكمي علشان مش هينفع اتمنالك القهره دي".
وكانت أزمة اندلعت بين الفنان محمد رمضان، والكابتن طيار أشرف أبو اليسر، بعد أن سحبت وزارة الطيران ترخيص أبو اليسر مدى الحياة، بعد أن سمح لرمضان بالدخول لمقصورة الطائرة، والتصوير داخلها، بعدها دخل الطرفان في نزاع قانوني وقضائي انتهى بتغريم رمضان مبلغ 6 ملايين جنيه تعويضاً عن الضرر الذي لحق بأبو اليسر.
يذكر أن هيئة الطيران المدني وقعت عقوبة على الطيار أشرف أبو اليسر بسحب رخصته مدى الحياة لانتهاكه معايير السلامة أثناء الطيران، بالإضافة إلى سحب رخصة مساعده لمدة عام.
