قال الفنان محمد الصاوي، إن دخوله في الفن كان بالصدفة من خلال الجامعة، معلقا: "كنت في كلية تجارة وحبيت أشوف بيعملوا ايه في مسرح الجامعة، وذهبت بالفعل وشاهدت المخرج ويدير بروفات لمسرحية".
وأضاف الصاوي، خلال تصريحات تليفزيونية، أنه ذهب للمسرح ووجد المخرج شاكر خضير، يجري بروفات لمسرحية وهو يتابع من الصالة وطلب منه المخرج الالتحاق بهم للانضمام، معلقا: "قولتله لأ أنا مليش في التمثيل واتحايل عليا وطلعت معاهم وبعدها اختفيت أسبوع".
وتابع: الأسبوع ده قعد يدور عليا فيه لحد ما في يوم لقاني في الكافيتريا قالي انت بتعمل ايه هنا المفروض تكمل معانا البروفات قولتله والله ما ليا في التمثيل قالي أنت مالك خليها على الله".