علّقت هند ابنة الفنان الراحل سعيد صالح، على منشور السنارسيت تامر حبيب، والذي رد فيه على هجوم جمهور السوشيال ميديا على نجوم الوسط الفني بسبب حضورهم فرح في الجونة بعد ساعات من دفن الفنان سمير غانم.
وقال حبيب عبر صفحته الرسمية على فيس بوك :" طيب، انا فعلاً حزين وموجوع علي وفاة الاستاذ سمير غانم، وللاسف ماقدرتش أروح الجنازة والدفنه لإني في الجونة وحصلت ظروف تمنعني اسافر الصبح وارجع بالليل علشان اروح الفرح، وللحق الفرح كان جميل وطاقته كانت حلوة، فرقصت وغنيت مع عمرو دياب واتصورت مع اصحابي... حد عايز حاجة ؟".
من جانبها، رد عليها هند سعيد صالح بقولها :"حقك طبعا وماحدش عايز منك حاجة، بس استأذنك لما تكتب بوست تكون عارف انه هينط ترند ويبقى حديث المدينة وان البوست هيكون سبب للمرة المليون ان الوسط الفنى كله يتشتم .. ابقى بعد اذنك اكتب ان مش كل الوسط الفنى زى بعض، وان ده حالك لوحدك او حال القلائل من الوسط .. وان زى ما فيه ناس خافت يروح عليها فرح الجونة فيه ناس قلبها واجعها اوى وكأن الميت ميتها، وافتكر ان فيه فنانين قاعدين فى بيوتهم او فى قبورهم بيتهانوا ويتمسح بيهم الأرض لمجرد فكرة السيئة تعم".
