أثار زواج رئيس الوزراء البريطاني، مجموعة مختلفة من رود الفعل بين المصريين على موقع التواصل الاجتماعي فيس بوك، حيث استغل البعض هذا الحدث من أجل إطلاق التعليقات الساخرة، وأيضا المقارنة بين زواج رئيس الوزراء وبين عادات الزواج في مصر.

وتداول عدد من النشطاء منشورا قيل فيه: "فرح رئيس وزراء إنجلترا، الفرح اتعمل بالحديقه الخلفية لبيت العريس والفستان إيجار ثمنه ٦٠ جنيه استرليني والمعازيم فقط ٣٠ شخصا، وفرقة موسيقية بريطانية عادية متخصصة  لحفلات العرس والزفاف بعيدا عن المظاهر، الحياة في أبسط صورها، مش عارف أهل العروسة كتبوه قايمه بكام؟؟".

وعلّق عدد من النشطاء على المنشور بشكل ساخر، فقال أحدهم :"وهو كمان مش أجر بدلة ليه لزوم الصورة"، كما أضاف آخر: "كان لازم يحلق"، وتابع ثالث: "الراجل ده فعلا فى منتهى البساطة، له ڤيديو فى سوبرماركت عربى بلندن الناس كانوا مش عارفينه، شعره منعكش ولسه صاحى من النوم ونازل بلبس شكله تحت التعبان وبيشترى شويه حاجات ماتجيش بـ 5 جنيه إسترلينى، أبسط من البساطة وحتى والناس وهى بتتصور معاه تحس إنه مش مستنى الحكاية دى زى النجوم".