أثار مطرب المهرجانات عمر كمال، حالة من الغضب بين متابعي صفحته الرسمية على موقع التواصل الاجتماعي فيس بوك، بعدما ردّ على أحد المتابعين بعدما علّق على صورة له نشرها مع علاء وجمال مبارك، أبناء الرئيس السابق حسني مبارك.
كانت البداية حينما نشر عمر كمال صورة من فرح ابنة اللاعب عصام الحضري، يظهر فيها مع علاء وجمال مبارك، ليرد عليه أحد المعلقين بقوله :" ادي حال الدنيا العجيب، عمر كمال مطرب المهرجانات هوب بقى مع ولاد رئيس سابق في مكان واحد، وتتصور معاهم في يوم من الأيام".
وبعد ذلك قام عمر كمال بنشر تعليق المتابع وعلّق عليه بقوله :" أنا عاوزك أنت كمان تتعب و تشقى زى عمر كمال كده عشان توصل وتتصور وتشتغل فى أماكن فيها شخصيات كنت بتحلم تشوفهم وتتصور معاهم فى يوم من الأيام".
وفي أعقاب ذلك، سادت حالة من الغضب بين المتابعين الذين هاجموا عمر كمال، وانتقدوا طريقة تعامله مع الجمهور وتصوير نفسه بأنه أحد رموز الفن في مصر، بحسب قولهم.
وقال أحد المتابعين :" عشان تغني وورايا واحدة بترقص ده مسمهوش تعب وشقى يا فنان"، وقال آخر: "شكراً لحِكَمك يا ”د.عمر كمال“ خلاص من بكره رح أصير إنسان ناجح و رح أتعب وأشقى وأرقص مع رقاصات واعمل مهرجانات".
وأضاف متابع آخر: "عمر هو ده يتسمى الغنا والرقص وشغل الارجواز ده نجاح.. أعقل كدا واتعلم قبل ما تتكلم اللى أنت يتقدموا ده مش فن ده عك وخلاص ومشيت معاكم بس ربنا يهديك لنفسك.. لأن انتو فى الأخر مصيركم أنتو عارفينه الله يهديكم".
