تنشر بوابة دار الهلال قصيدة جديدة للشاعرة والباحثة مروة الشريف بعنوان: "فستان السعادة".
هاتي فستان السعادة
اللي دايب قَطعيه
وجَمَّعي ورود م الجَناين
وأحلى فستان خَيَطيه
واهجري رُكن الكآبة
قومي فورًا دَمَريه
ارسمي الفرح بعيونك
اوعي بالحزن تداريه
هاتي ورد يكون بنفسج
زيني شعرك مشاعرك
واللي يمشي جنب نهرك ..عطريه
واللي يهدم يوم إرادتك ..إهدميه
كوني مصدر للسعادة وجدديه
إعرفي نفسك بجد
صدقي حلمك ده وعد
يوم ماخدتي عليكي عهد تحققيه
رغم السدود
امسح كل الحدود
خلي حبك للحياة تاني يعود
دُقي باب اتنين تلاتة
عافري وبكل البساطة
لما تقفل حيطة سَد
ابني باب مفروش ب ورد
وادخليه بكيان جديد