تداول عدد من النشطاء على موقع التواصل الاجتماعي «فيس بوك»، مجموعة من الصور التي تظهر حجم التطور في طريق مرسى علم الجديد، مع منشور تحدث صاحبه عن مميزات الطريق الجديد.
وقال المنشور الذي كتبه شخص يدعى محمود النجار: "طريق مرسى علم الجديد يا جماعة في فتحه التجريبي حاجة عظمة .. انا كنت هناك من ٣ شهور مشفتش الطريق دا والنهاردة اتفاجئ انه اتفتح وماشيين عليه! تسلم الإيد اللي بتخطط وتشق الجبال وتعمر في كل مكان في مصر".
وأضاف: "الطريق سريع جدا وواسع مشاء الله ومفيش فيه مطب واحد وبيبدأ معاك من أول سفاجا من بعد القاعدة العسكرية مباشرة وبينتهى داخل مدينة مرسى علم حوالي ٢٥٠ ك تقريبًا.. ومتفرع منه طرق فرعية لقفط في الصعيد وقنا وفي نزلات على مدينة القصير ولان الطريق اتشق فى قلب الجبل فوق فعملو نزلات ادام كل فندق فى الطريق تنزلك على الفندق بتاعك على طول.. وال بيروح مرسى علم من زمان هيعرف يعنى إيه طريق جديد رايح وجاى بدل الطريق المتهالك القديم ال كان مكسر وكان رايح جاي على طريق واحد وكان ضيق جدااا وكان بيخد وقت طويل دا غير بهدلة العربيات والاتوبيسات بسبب المطبات والتكسير المفاجئ ال بيقابلك . دا غير انك لو رايح مرسى علم مش محتاج تدخل القصير والحمراوين وتلف من المدينة عشان تطلع على طريق مرسى علم .. الطريق الجديد اختصر كله اللفة دى وبقى طريق واحد مباشر ".
واختتم: "مش مصدق ان من الاوتيل في مرسى علم لحد الغردقة خدنا أقل من ساعتين دا حاجة اشبه بالخيال . مشاء الله".
وحاز المنشور على إعجاب عدد من رواد فيس بوك، والذين أشادوا بالنهضة التي شهدتها مصر خلال الفترة الأخيرة فيما يخص تشجيع السياحة وتطوير الطرق.