طرح المطرب مدحت صالح، أحدث أغانيه بعنوان: "القسواني"، عبر قناته الرسمية بموقع نشر الفيديوهات الشهير "يويتوب".

أغنية "القسواني" من كلمات محمد فتحي، وألحان أحمد البرازيلي، وتوزيع أسامة كمال، وتقول كلماتها:

جبت القساوة م القسواني وحتخلص أبعت أجيب تاني

والحب مابقاش مجاني كده للي هب ودب

الطيبة للبيع معروضة لو ناس حتعمل مخضوضة

الخضة ليها طاسة موجودة هدية للي يحب

والزعلان مليون بعد الشر عليه

يمشي وياخد قوام بسرعة الباب فإيديه

بطلت ادادي صباحكو فل جميل ونادي

والغلطان أصلا هو أنا من الأول

بس خلاص مافيش معايا زعل حيطول

ده اللى اتلسع م الشوربة ينفخ في الزبادي

الحب مابقاش ماشي سوقه والعشمانين فينا يفوقوا

واللي يغيب هو وشوقه كده نمنع الإزعاج

القلب ليه إقامة جبرية خاصية الشوق ملغية

قضيت كده ومية المية ماشيين يا ناس بعلاج 

في سياق متصل طرح مدحت صالح، عبر يوتيوب أغنية جديدة بعنوان: "يتقال"، وهي الأغنية التي تحمل اسم ألبومه الجديد، الذي يطرحه قريبا، وهي من ألحان تامر علي، وكلمات تامر حسين، ومن توزيع أحمد وجيه، جيتار أحمد حسين.

وانتهى مدحت صالح، من تسجيل كل أغاني ألبومه الجديد، الذي يتضمن اغنيات: "شوف يا معلم" من ألحان محمود أنور، ومن كلمات محمد مصطفى، "قربلي" من ألحان محمود أنور، وكلمات أيمن عز، "أحلى الناس" من ألحان محمود أنور، كلمات أيمن عز، ومن توزيع محمد شفيق، "بالمختصر المفيد" من ألحان أحمد زعيم، ومن كلمات محمد عاطف، توزيع محمد شفيق، "خدها قاعدة" من توزيع وألحان يوحنا فيكتور.