نشرت عدد من الفتيات على مواقع التواصل الاجتماعي، شهادات متعددة عن وقائع تحرش تعرّضن، لها على يد أحد المدرسين في المرحلة الابتدائية بمدينة بنها في محافظة القليوبية.
وتحدثت الفتيات عن وقائع تحرش خطيرة حدثت لهن بشكل متشابه، من المدرس نفسه، أثناء دراستهن في المرحلتين الابتدائية والإعدادية، محذرات من التعامل معه.
وكتبت إحدى الصفحات على موقع التواصل الاجتماعي فيسبوك، والمتخصصة في دعم الناجيات من التحرش، بشأن هذه الواقعة، منشورا طويلا جاء كتالتالي: "امبارح بنت واحدة قررت تكتب على تويتر عن مدرس اتحرش بيها وهي صغيرة، بعد ما سمعت من بنات تانيه أنه عمل معاهم نفس الحاجة، خلال أقل من ساعة كان فيه أكتر من ٢٠٠ بنت بيحكوا عن مواقف مشابهة مع نفس الشخص، وكلهم كانوا خايفين يتكلموا".
أضافت الصفحة : "محمد.ك، مدرس إنجليزي في مدرسة في بنها، بيدرس لبنات (((إبتدائي)))، وهي دي الفئة اللي منها أغلب الضحايا، والباقي بنات في إعدادي من الدروس، المدرس ده مصدّر للناس كلها صورة الشخص المحترم المتدين، في حين أنه بيعتدي على مئات البنات بقاله أكتر من 15 سنة، وفي صور بتبين قد إيه كان بيقرب بشكل غلط من البنات، ومعظم شهادات الأطفال فيها اعتداءات المتكررة عبارة عن أنه بيلمس البنات في مناطق خاصة، بيحضن البنات فجأة من ضهرهم في المدرسة، بيمسك إيد البنات اللي قاعدة جنبه، ويحطها على رجله، أو على أعضائه الجنسيـة، بيتعمد يلمس صدر البنات ويقبلهن، بيعمل أنشطة كتير في الحصة معظمها بتتضمن أنه يفضل يلمس جسم البنت، وممكن يعمل ده قدام الفصل كله، كل الحاجات دي بتحصل مع بنات صغيرة، بتتعامل معاه على أنه مدرس وأب وشخص محترم والأهالي بتثق فيه".
وأضافت الصفحة: "النهاردة فيه بنات قدمت بلاغات في قسم بنها، والقبض عليه ومحاكمته مسألة وقت، اللي محتاجينه دلوقتي هو أن الموضوع يوصل للنائب العام، لأن الشخص ده ضحاياه بالعشرات مش مجرد قضية عادية بنتمنى الأهل يشجعوا بناتهم ويسمعوهم عشان هما كمان يبلغوا، ويقفوا جنب باقي الضحايا اللي عملوا محاضر، ويا ريت المدرسة تاخد موقف محترم ضد الشخص اللي بقاله 15 سنة، بيهتك براءة الأطفال، وتدعم الضحايا على الأقل".
في غضون ذلك صرح مصدر أمني، بأنه أمكن ضبط المدرس المتهم، فور تحرير البلاغات ضده، حيث تبين من التحري عنه، أنه مقيم بدائرة مركز شرطة بنها، مؤكدا أن الأجهزة الأمنية بالقليوبية تمكنت من تحديد هويته وضبطه، واتخاذ الإجراءات القانونية ضده.
