نشر نقيب المهن التمثيلية، الفنان أشرف زكي، مقطع فيديو على حسابه الشخصي على موقع التواصل الاجتماعي "إنستجرام"، بعنوان "حصاد العمر"، تحدث فيه عن لقائه بطلاب معهد السينما، الذين تخرجوا على يديه؛ مما جعله يشعر بالفخر والاعتزاز.

وعلق العديد من الفنانين على هذا المقطع، منهم أحمد زاهر، حيث قال: "عمرك عمره ما هيروح هدر بعد اللي عملته مع كل ولادك وتلاميذك، انت اديتنا كتير وطول عمرك جدع وراجل مع الكل وتستاهل أكتر من كده كمان، بنحبك يا دكتور".

 وأضافت هيدي كرم "كلنا بنحبك من قلبنا، ودائمًا واقف في ضهرنا، وداعم لينا وعمرك ما تخليت عن حد في أزمته، بالك طويل مع الكل وبتسمع الكل، الكبير والصغير، النجم واللي لسه أول المشوار، الكل عندك مهمين.. بنحبك من كل قلبنا ولنحترم وفخورين لأنك نقيبنا وربنا يخليك لينا ولأسرتك ويزيدك قوة وتحمل ويقدرك علينا".

كما قالت بوسي "تستاهل كل خير"، وقال أحمد الشامي: "تستاهل كل الخير يا دكتور أقسم بالله، وربنا يباركلك دائما يارب".

ومن جانبها، قالت لقاء سويدان:"انت بتعمل أكتر من كده مع الكل، طبيعي تلاقي كل الحب ده، كأستاذ وأخ كبير ونقيبنا"، وشريف رمزي، جاء تعليقه: "انت تستاهل أكتر من كده بكتير يا دكتور أشرف، ربنا يخليك لأهلك وحبايبك وأسرتك ولينا، وكذلك تابعت ديانا هشام "ربنا يخليك لينا يا رب ويديم الصحة ويديمك لينا ضهر وسند".

أمّا بدرية طلبة، فقالت "كلنا بنحبك، ومهما كبرنا ولادك وحضرتك هتفضل سندنا وضهرنا، طب أنا مش خريجة معهد، ومن يوم ما عرفت حضرتك وأنا هاوية من ٢٥ سنة من قبل ما تكون نقيبنا وأنا تعباك وبرمي كل مشاكلي عليك تحلهالي، وياما وقفت جنبي، وهتفضل نقيبنا، ويتفضل سندنا، وضهرنا وشرف لينا؛ لأن حضرتك أد المسئولية، ربنا يخليك لبناتك ويفرح قلبك بيهم، ويخليك لينا كلنا يا دكتور".

واستطاع أشرف زكي، أن يتألق في الجانبين، العملي والأكاديمي وأدواره مؤثرة في السينما المصرية والارتقاء بها، والحرص على المؤاخاة والزمالة بين العاملين في هذا القطاع.

 

 

 

 

View this post on Instagram

 

 

 

 

 

 

 

 

 

 

 

A post shared by Ashraf Zaki - أشرف زكي (@ashrafzakyoffical)