خلال الساعات الماضية، تداول عدد من رواد موقع التواصل الاجتماعي فيس بوك، منشورًا كتبته فتاة تدعى "ميران حسام"، تتحدث فيه هم واقعة تعرضت لها خلال حجز تذكرة دخول لحفلة "شارموفرز" المقرر إقامتها يوم الجمعة المقبل، لرفضهم دخولها الحفل بالحجاب.

وقالت الفتاة في منشورها :"حفلة شارموفرز يوم الجمعة ٢/٧/٢٠٢١، كلمت الرقم الموجود في البوست عشان احجز قالتلي  ابعتيلي Instagram accounts بتاعت الناس اللي جايه".

وأضافت :"بعدها قالتلي الحجاب لا بس ال turban هو اللي ينفع تدخلو بيه . اتصلت بيها قالتلي انا مش بقولك تجيلي قالعه الحجاب ولا تيجي لابسه بيكيني انا بقول الحجاب ممنوع ودا rule المكان ومش هنسمح بأي حد يدخل بحجاب مهما كان مين قولتلها يا فندم انا مينفعش اشترط عليكي تستقبليني على الباب بلبس معين برضو انتي ليه بتفرضي علي لبس انا مش قبلاه وبتتكلم بمنتهى قلة الذوق فرديت عليها قولتلها انا هبلغ شرطة السياحه ونشوف رأيهم ايه في الكلام دا،قالتلي بلغي اللي انتي عايزاه واعتبري حجزك ملغي وقفلت السكه في وشي".

 وبعد ساعات من نشر المنشور، استجاب أحمد بهاء، أحد أعضاء فريق "شارموفرز" لشكوى الفتاة، وأرسل إليها عبر حسابها بموقع "فيس بوك" ليخبرها بأنه تم حل المشكلة ورفضه التفرقة بين جمهور الفريق.

وقال مو العرقان عضو فرقة شارموفرز، للفتاة ميران، أن شارموفرز لن تقبل أبدًا أن يتم معاملة الجمهور بطريقة غير مناسبة أو لا تليق.

وقدم اعتذاره  نيابة عن الفرقة، مؤكدا أن الفرقة لن تصعد علي المسرح إلا بحضور جميع من أراد الحضور من الجمهور سواء ارتدوا الحجاب أو لا.