أعرب الفنان محمود العسيلي عن سعادته بطرحه أغنيته الجديدة "علي خدك"، والتي أعلن بها استعداده لطرح عدد من الأغاني بمناسبة الصيف، والأغنية من كلمات أمير طعيمة، ألحان محمود العسيلي، توزيع علي فتح الله، وتسجيل محمد صقر.

وشارك "العسيلي" متابعيه علي حسابه عبر "إنستجرام"، بوستر الأغنية الجديدة، وعلق عليه: "علي خدك.. دلوقتي موجودة علي اليوتيوب، بداية الصيف وبداية لحاجات كتير أوي، قريب.. اللينك في البايو".

ومن كلمات الأغنية: "حياتي لما غيبتي شوية عليا وبعدنا يومين.. ثواني عمري بتفوت عليا سنين.ز وحشتيني لدرجة كنت أنا نفسي ماتخيلهاش.. وكان قلبي بيسأل ليه مانبشوفهاش.. وعلي خدك أدي بوسة علي خدك.. وعلي زعلك ماقدرش أنا علي زعلك.. وكفايا اللي احنا ضيعناه.. وعلي خدك أدي بوسة علي خدك".

وتحدث محمود العسيلي في وقت سابق عن أغاني المهرجانات الشعبية والراب، في ظل نجاح هذا اللون من الغناء خلال الفترة الحالية.

وتحدث العسيلي خلال استضافته في برنامج "أجمد7" علي إذاعة "نجوم إف إم"، والي تقدمه المذيعة جيهان عبد الله، فقال: "هي حاجة كويسة جدا وصحية، ومش لازك كل الناس تتأقلم، وهل سيأخذون زمانهم وزمان غيرهم؟ ولو مش عايز تسمع راب أو مهرجانات مفيش مشكلة".

يذكر أن آخر أغنيات العسيلي كانت "بقت معايا"، من كلمات سارة فرج، وألحان إيهاب عبد الواحد، ومحمود العسيلي، وتوزيع أمير هداية، إنتاج "دي إس ميديا"، و"صوت الدلتا"، ومن إخراج إبراهيم حدرج.