كشفت أميرة مختار ابنة الفنانة الراحلة رجاء الجداوي أنها أحيت اليوم والذي يصادف الذكرى الأولى لرحيل الفنانة القديرة، بزيارة قبرها برفقة حفيدتها والمقربين والعائلة ثم عادت لمنزلها غير مصدقة ما حدث حتى الآن.
وأضافت في تصريحها، في حلقة خاصة بمناسبة الذكرى الأولى لرحيل الفنانة القديرة رجاء الجداوي قائلة: "روحت البيت وقعدت شوية وأنا لسه مش متخيلة اللي حصل وبقول لنفسي معقولة اللي بيحصل ده؟ طول النهار تلقيت اتصالات من أقارب وجيران والدنيا كلها مقلوبة على مرور السنة على وفاتها لأنها في حقيقة الأمر لم تغب ".
وأكملت: " في أوقات كتير مابقاش مصدقة وأقول يا مامي فات على موتك أربع شهور بس والنهارده قلت سنة كاملة راحت على غيابك وأنا مش مصدقة لأني دائماً بحس أنها موجودة في محبة الناس وأن روحها بتحتضني وتحتضن محبيها ".
وفاجئت الحديدي أميرة مختار بسؤالها : إنتي شايلة شنطتها ولابسة عقدها ؟ " لتجيب مختار مازحة : ده عيب انك صحبتنا فعارفة حاجتها كويس
وكشفت أنها ترتدي شنطة والدتها وعقدها والجاكيت الخاص بها .. قائلة : "دي كانت هدية ليها في عيد ميلادها في سبتمبر 2019 وقلتلنا وقتها ليه كده يا ولاد تكلفوا نفسكم؟ وهي كانت دائما بتتحايل عليا ألبس حاجتها وتتخانق معايا عشان استخدمهم وكنت برفض وأقولها وقتها مش هاينفع نظهر إحنا الاثنين ولابسين حاجة بعض ".