توجه المطرب رامي صبري بالدعاء للفنانة ياسمين عبد العزيز بعد دخولها المستشفى، من خلال منشور على حسابه عبر "إنستجرام"، وعلق قائلاً: "ربنا يشفيكي وتقومي بالسلامه لولادك وحبايبك وأهلك اللهم امين".
ويذكر أن الفنانة ياسمين عبدالعزيز تعرضت لوعكة صحية شديدة أدخلتها في غيبوبة، إثر حدوث خطأ طبي أثناء إجراء عمليتها الجراحية.
View this post on Instagram
A post shared by Ramy Sabry (@ramysabry8)
وسبق وأن وجه الفنان وائل عبد العزيز، شقيق "ياسمين" الشكر للرئيس عبد الفتاح السيسي، بعد إرساله فريق طبي، لمتابعة حالة شقيقته.
وكتب "عبد العزيز" عبر حسابه على "الفيسبوك"، قائلاً: "نشكر سيادة رئيس الجمهورية السيد عبد الفتاح السيسي، والد لكل المصريين على إرسال فريق طبي متكامل، لمتابعة الحالة والإشراف على أطباء إجراء العملية، آملين من الله عز وجل الشفاء العاجل لبنتنا، دعواتكم في يوم عرفة جزاكم الله خير".
وفي وقت سابق كشف وائل عبد العزيز تطورات حالة شقيقته الفنانة ياسمين عبد العزيز الصحية بعد خضوعها لعملية جراحية، وكتب على حسابه عبر موقع "فيس بوك": " أنا كل اللى هقدر اقوله دلوقتى ادعو لياسمين حالتها خطرة".
وسبق وأن نشر الفنان أحمد العوضي، صورة له تجمعة بزوجته الفنانة ياسمين عبدالعزيز، على حسابه عبر "فيس بوك"، وعلق قائلاً: "يمكن ببان قدامكم دايما قوي، لكن الحقيقه انا دلوقتي اضعف انسان علي وجه الارض عشان انا روحي مش معايا، انا ضعيف جدا من غيرك انتي لازم تبقي كويسه ولازم تقومي بالسلامه".
وتابع أحمد العوضي قائلاً: "انا لاول مره اكتب من غير ما اكون مفكر انا بكتب ايه وهكتب ايه، بس انتي هتقومي ان شاء الله باذن الله عشان انتي وعداني وعد وهتتفذيه، انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره، وانا دلوقتي مش قوي زي ما انتي بتشوفيني انا دلوقتي ضعيف ضعيف جدا".
وأضاف أحمد العوضي: "لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك، قومي عشان انا بحبك، بحبك اكتر بكتيير من كل الكلام اللي انا كتبته، اكتر بكتير من كل اللي عدينا بيه مع بعض من ايام حلوه ومواقف صعبه مرت علينا، اكتر بكتير حتي من الموقف اللي احنا فيه دلوقتي، انا بحبك، ادعولها تقوم بالسلامه زي ما انتو دايما بتدعولها بالنجاح والتوفيق، هي دلوقتي محتاجه دعواتكم".