تفحص أجهزة الأمن بالقاهرة منشورًا متداولا حول التحرش بسيدة عن طريق عدد من الشباب بمنطقة عزبة النخل بالمرج.
ويقوم رجال المباحث بفحص الواقعة للتأكد من صحتها وكونها حديثة أم قديمه.
وكان انتشر على عدد من الصفحات منشور مكتوب فيه" هنفضل لحد امتة بناتنا وحريمنا معرضين للخطر دايماً في الشوارع .. علي ايد البلطجية والمتسولين ..!!دول مجموعة بلطجية ومتسولين اللي سكران واللي ايدة مقطعة واللي مبرشم .. واشكالهم لا حول ولا قوة".
وأضاف كاتب المنشور أن هؤلاء تعرضوا لزوجة أخيه في طريقها اثناء دخولها لركوب مترو الانفاق، متابعًا: "لم يكتفوا بالمعاكسة والتحرش والمضايقة خارج المحطة فقط بل كمان ببجاحة شديدة دخلوا وراها المترو وفضلوا مترصدينها ومراقبينها ..!!".
واستطرد:" متخيلين الموقف والرعب اللي اي ست او بنت بتبقي فية في وضع زي ده يعني في اي وقت ممكن بنتك او زوجتك او اختك تكون عرضة لشوية بلطجية زي دول في اي مكان في الشارع او داخل المواصلات العامة بدون حماية .. بدون قانون .. بدون ادني شك انها ممكن تتخطف عادي او يحصلها كوارث اسوء ..!!
وأضاف كاتب المنشور: " نستكمل الموضوع بعد دخولهم وراها في المترو شافوها ركبت عربية السيدات دخلوا وراها وحصل مشكلة ومشادة بينهم وبين السيدات في المترو زي ما شايفين في الصور كده وبكل بجاحة شديدة برده كانوا هيضربوا الستات في المترو .. وعشان زوجة اخي عارفة انهم داخلين وراها وبيراقبوها ومن خوفها قررت تصورهم وتبعت الصور لزوجها فوراً عشان لو حصلها حاجة منهم نلحقها".
وتابع فى شكواه: "لما المشكلة كبرت وستاات كتير تدخلوا والخناقة هتكبر مع السيدات في المترو نزلوا من العربية بعد ما خبطوها وزقوها في المترو وسرقوا البوك بتاعها وشنطتها وخطفوا موبايل من سيدة أخرى كانت واقفة".