نشر الفنان رامي صبري صورة تجمع بينه وبين أخيه عبر حسابه الرسمي بـموقع "فيس بوك" وعلق عليها قائلا: " شهر علي فراقك يا كريم يا حبيبي يا غالي والله يابني ماقصرت معاك، مش عارف استوعب انك مبقتش موجود والله، وحشتني اوي، لا اله الا الله ربنا يرحمك".
وتصدر الفنان رامي صبري التريند مؤخرا ثم نشر صورة للدويتو "حالة إكتئاب"، وعلق قائلا: " مليون مشاهدة علي يوتيوب، وتصدر تريند يوتيوب ميوزيك لـدويتو رامي صبري وكريم صبري، شكرا لـكل حد شاف فيديو "حالة إكتئاب" ودعا لـكريم ..متنسهوش في دعائكم".
ومؤخرا تذكر الفنان رامي صبري شقيقه كريم بهدية عبارة عن أغنية جديدة بعنوان "حالة إكتئاب"، وطرح رامي صبري أغنيته الجديدة عبر قناته الرسمية علي "يوتيوب" وتقول كلماتها التي وضعتها عبير الرزاز: " مبقتش بزعل المشكلة مبقتش فيك دي فيا.. إنك مهما تعمل علي نفسي بقبل، حتي السكوت او الإعتذار بقا عندي، أسهل أحسن كتير من ناس يقولو في حبي بفشل، معرفش مالي أكيد بجد أنا عندي حالة إكتئاب مش لاقي حاجة، في حياتي حلوة بعد ما عيشت ف عذاب، معرفش مالي أكيد بجد، أنا عندي حالة إكتئاب، مش لاقي حاجة في حياتي حلوة بعد ما أنا عيشت ف عذاب، مبقتش بزعل.. مبقتش بزعل".
وروج رامي صبري للأغنية عبر حسابه الرسمي علي "فيس بوك" وعلق قائلا: " هتسمعوا دويتو "حالة إكتئاب" اللي كلنا حضرناه في الفترة اللي فاتت، بعد وفاة أخي الغالي كريم صبري دايما كنت بقول لـ كريم نغني مع بعض وهو كان بيرفض، بسبب إنه عاوز يغني أول أغنية من غير مساعدتي و دة كان من وجهة نظره اللي مكنتش بقتنع بيها".
ثم دعا له بالرحمة والمغفرة وعلق قائلا علي حسابه عبر "إنستجرام" إن شاء الله هرجع أشتغل تاني .. ربنا يرحمه وميكتبهاش علي حد".