كشف الفنان منير مكرم عن آخر التطورات الصحية لحالة الفنانة سحر عبد الحميد، والتي تعرضت مؤخرًا لوعكة صحية شديدة، دخلت على إثرها المستشفى.
وقال مكرم في تصريح خاص لـ "دار الهلال"، إن الفنانة سحر عبد الحميد في تحسن كبير عن ذي قبل، وأن حالتها مستقرة وأنها لا زالت تخضع للرعاية الصحية في المستشفى.
وكانت الإعلامية ندي رحمي قد كتبت منشورًا عبر حسابها علي "فيس بوك"، في وقت سابق، كشفت من خلاله عن تعرض والدتها سحر عبد الحميد لوعكة صحية شديد، حيث كتبت: "شكرًا لكل للي سأل.. ماما اتحجزت في مستشفى بالدقي في الرعاية المركزة.. دعواتكم".
وتابعت منشوراتها، فكتبت: "من شوية اتحطيت في موقف لا أحسد عليه بجد ومتمناهوش لأي إنسان، أمي قلبها تعبان من زمان، من قيمة ساعة، تعرضت أمي لأزمة قلبية نتيجة إرهاق شديد، في المذاكرة وقلق امتحاناتها، ضغطها واطي جدا على عكس الطبيعي، إحنا عيلة ضغطنا عالي بالوراثة أساسا، وكمان قلبها كان بيدق بشكل مرعب لدرجة أن صدرها كان بيترج جامد، زي ما يكون قلبها هينط من ضلوعها".
وتابعت: "اتوترت جدا وماكنتش عارفة اتصرف إزاي ولا اتصل بمين وزاد رعبي وتوتري أكتر لما قالتلي أنا هنام شويه، ومن وقت للتاني بصي عليا شوفيني بتنفس ولا لأ، إحنا في حر ومش عايزة يطلعلي ريحة، للحظة مخي وقف وبقيت بصب عرق من كل ناحية".
واختتمت: "ومش عارفة المفروض اتصل بمين من أصحابي ولا اكلم مين في النقابة، وأصحابي اللي ممكن يقفوا جمبي في اسكندرية مش هنا، علي ما يوصلوا ما عرفش ممكن يحصل ايه أدركت ساعتها إني حرفيا بطولي غرقانة في شبر ميه ومخي واقف".